GÁLATAS 6:10 - Nuevo Testamento en Quichua Cañar 1996

¹⁰ Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

Dios Rimashcata Quillcashcami

¹⁰ Chaimanta imata ruhuanalla cacpica, tucuiman allita ruhuashpa catishunlla. Tucuimanta yallica criccunaman allita ruhuashun.

GÁLATAS 6:10 ပူးပေါင်းရင်းမြစ်များ

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

SAN MATEO 5:43

Shinallatac ñaupaca: ‘Canta c'uyactaca c'uyangui, p'iñactaca p'iñangui’ nishcatami uyashcanguichic.

MARCOS 3:4

Chashna nishpami, chai ucupi tiyaccunataca: —Mandashcacunapi nishca shinaca, ¿samana punzhapica allita ruhuanachu alli canga, mana cashpaca mana allita ruhuanachu alli canga? ¿Huañuimanta quishpichinachu alli canga, mana cashpaca causaita quichunachu alli canga?— nishpa tapurca. Shina tapucpica, imata mana nishpa upalla saquirircacunallami.

SAN LUCAS 6:35

Ashtahuanpish cancunaca p'iñaccunata c'uyashpami, allita ruhuana canguichic. Imata mañachishpaca, chaimanta imata japinataca mana yuyanachu canguichic. Chashna ruhuashpami, cancunaca allicunata japinguichic. Jahua pachapi causac Taita Diospac huahuacunapish canguichicmi. Taita Diosca mana paita pagui niccunatapish, millaicunatapish llaquinmi.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

SAN JUAN 9:4

Punzha tiyacpiracmi, ñucata Cachacpacta imatapish ruhuana canchic. Ña tutayacpica, pi imata mana ruhuangachu.

HECHOS 6:7

Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

2 CORINTIOS 2:8

Chaimanta cutinllatac paita c'uyaccuna cashcata ricuchichic nini.

GÁLATAS 1:23

ashtahuanpish ñucataca: “Ñaupamanca ñucanchicta llaquichishpa tucuchisha nicca, cunanca Jesucristota crinamantami paipish huillacun” nicllatami uyarcacuna.

EFESIOS 2:19

Chaimanta cancunaca ña mana shuctac llactamanta shamushca, shinallatac ña mana quiquin causai llactamanta llucshishca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

EFESIOS 3:15

Paimantami jahua pachapi caccunapish, cai pachapi caccunapish tucui mashna causaita charincuna.

EFESIOS 4:28

Shuhua cashpapish shuhuanata saquishpa, trabajanata callarichic. Shina quiquin maquihuan trabajashpami, imata huacchacunamanca cunata charinguichic.

EFESIOS 5:16

Cunan punzhapi gentecuna mana allita ruhuashpa causacushcamantaca, ruhuanata pudishpaca allita ruhuaichic.

FILIPENSES 4:10

Ña unai cacpipish cancuna cutin ñucata yuyarishcamantaca, Apunchic Jesusmantami munai cushicuni. Cancunaca mana cungarinamantachu mana yuyarishcanguichic, ashtahuanpish ima shina mana cachaipac cacpimi, imata mana cacharcanguichic.

COLOSENSES 4:5

Mana criccunahuan tandarishpaca, yachaccuna shina alli caichic. Shinallatac huillana cacpica, paicunaman huillanguichiclla.

1 TESALONICENSES 5:15

Shuccuna ima mana allita ruhuacpipish, paicunatapish chashnallatac ruhuanamantaca huacaichirichic. Chaipac randica punzhanta cancunapurapipish, tucui gentecunahuanpish allita ruhuanata munaichic.

1 TESALONICENSES 5:21

Alli cashcata, mana alli cashcataca alli yuyarichic. Alli cashcataca yuyarirashca, huacaichishpa causaichic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

HEBREOS 13:16

Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

HEBREOS 6:10

Cashcata ruhuac Taita Diosca cancuna imata ruhuashcatapish, paipaclla caccunatapish cunan ima shina ruhuacuc shinallatac c'uyaihuan servishpa causacuccunataca, manatac cungaringachu.

1 PEDRO 2:5

Chashna chayaricpimi, Taita Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 4:17

Taita Dios taripana punzhaca ñami chayamucun. Chaipica paipac huahuacunataracmi Taita Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

1 JUAN 5:1

Maijanpish Jesusta “Quishpichic Cristomi” nicca Taita Diospac huahuami. Maijanpish Taitata c'uyacca paipac huahuacunatapish c'uyanmi.

3 JUAN 1:10

Chashna cashcamantami ñuca rishpaca, ñucanchicta huashalla parlota ruhuashpa, llullashpa puricuctaca yuyachishpa rimasha. Ashtahuanpish mana chaillatachu ruhuacun. Maijan criccuna pozachichun nicpipish, mana chaquisha ninchu. Shinallatac criccunata chasquishun niccunatapish, tandanacushca criccunamanta llucchishpa cachanmi.

3 JUAN 1:11

C'uyashca Gayo, chashna mana alli ruhuaccunataca ama c'atinguichu, ashtahuanpish allita ruhuaccunata c'atingui. Maijanpish allita ruhuacca Diospacmi, ashtahuanpish mana allita ruhuacca Diostaca mana ricsinchu.

3 JUAN 1:3

Maijan criccuna shamushpa “cashcata nic huillashcata uyashpa allimi c'aticun” nishpa canmanta huillacpimi, ñucaca yallita cushicurcani.