GÁLATAS 5:17 - Nuevo Testamento en Quichua Cañar 1996

¹⁷ Millai munaicunaca Diospac Espiritupac munaitaca p'iñanmi. Shinallatac Diospac Espiritupish millai munaicunataca p'iñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

Dios Rimashcata Quillcashcami

¹⁷ Millai munaicunaca Diospac Espiritupac munaitaca piñanmi. Diospac Espiritupish millai munaicunataca piñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

GÁLATAS 5:17 ပူးပေါင်းရင်းမြစ်များ

SAN MATEO 12:30

Maijanpish mana ñucahuan tandaricca, ñucata p'iñacmi. Shinallatac maijanpish ñucahuan mana tandachicca, ñuca tandachishcatapish shiguashpa cachacmi.

SAN MATEO 16:17

Shina nicpi Jesusca: —Cushicui, Jonaspac churi Simón. Caitaca pi runa mana yachachishcachu, ashtahuanpish jahua pachapi tiyac ñuca Taitami yuyaita cushca.

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 26:41

Imapish mana alli yuyaicuna ama japichunca, riccharishpa Taita Diosman mañacuichic. Cancunapac shungu alli yuyaita charicpipish, cancunapac cuerpoca shaicunllami— nirca.

SAN MATEO 5:6

Yarcaihuan yacunayaihuan cac shina, allita ruhuashpa causanata munaccuna, ¡cushicuichic! Taita Diosmi chai munashcata pactachichunca, mana nicta carac shina cunga.

SAN LUCAS 22:33

Jesús chashna nicpi Pedroca: —Apunchic Jesús, canta carcelpi churacpipish, canhuanmi casha. Shinallatac huañuna cacpipish, canhuanmi huañusha— nirca.

SAN LUCAS 22:46

Chaita ricushpaca: —¿Ima nishpatac suiñucunguichic? Ima millai yuyaicuna ama urmachichunca, jatarishpa Taita Diosman mañaichic— nirca.

SAN JUAN 3:6

Aichayuc, tulluyucmanta huacharicca, aichayuc tulluyucllatacmi. Ashtahuanpish Diospac Espiritumanta huacharicca, Diospac Espiritutami charin.

ROMANOS 8:13

Cai pacha jucha munashca shina causacushpaca, huañunguichicmi. Shina cashpapish Diospac Espíritu yuyaita cushcahuanca, cai pacha jucha munashcataca chingachinguichicmi. Shina chingachishpaca causanguichicmi.

GÁLATAS 3:21

Shina cacpica, ¿Moisés mandashcacunaca Dios cusha nishcata chingachingapacchu canga? ¡Mana chashna yuyanachu canchic! Moisés mandashcacunata pactachishpa causanalla cacpica, maijanpish chai mandashcacunata pactachishpaca, Taita Dioshuan alli tucunmanllami.

SANTIAGO 3:2

Tucuillatacmi tauca cutin imapipish pandarinchic. Maijan imata rimashpapish mana pandaricca, mana juchanchipac alli runami. Chashna alli cashcamantaca, paipac cuerpotapish ima mana allimantaca jarcarinmi.