GÁLATAS 5:11 - Nuevo Testamento en Quichua Cañar 1996

¹¹ C'uyashca criccuna, ñuca cancunaman “circuncisionta ruhuanaca allimi” nishpa puricpica, israelcunaca*f** mana p'iñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata p'iñachinmanchu.

Dios Rimashcata Quillcashcami

¹¹ Cuyashca criccuna, ñuca cancunaman “circuncisionta ruhuanaca allimi” nishpa puricpica, judiocunaca mana piñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata piñachinmanchu.

GÁLATAS 5:11 ပူးပေါင်းရင်းမြစ်များ

HECHOS 16:3

Pabloca Timoteota pushasha nishpami, paipac taita griego cashcata tucui chaipi causac israelcuna yachashcamanta, paicunahuan ama p'iñanacungapac Timoteotaca circuncisionta*f** ruhuachirca.

HECHOS 21:21

Ashtahuanpish cantaca caru llactapi causac israelcunataca: ‘Moisés mandashcacunata ama cazuichicchu, cancunapac c'ari huahuacunatapish circuncisionta*f** ama ruhuaichicchu, shinallatac israelcuna imallata ruhuana cashcatapish ama ruhuaichicchu’ nishpa yachachicushcatami, maijancunaca yachac chayashcacuna.

HECHOS 21:28

Chashna japishpaca: “¡Israel*f** runacuna, tandanacuichic! Cai runamari tucui llactacunata purishpa, ñucanchic quiquin llactatapish, Moisés mandashcacunatapish, shinallatac Diosman mañana cai huasitapish mana alli nishpami yachachishca. Cunancarin, manapish israelcunatami*f** Diosman mañana huasiman yaicuchishpa, Diospaclla cac huasitaca mapayachicun” nishpami caparircacuna.

1 CORINTIOS 1:18

Apunchic Jesucristo cruzpi huañushcata huillashcaca, chingarinaman ricuc gentecunamanca pucllashca shinami ricurin. Shina cacpipish ñucanchic quishpirinaman riccunamanca, Taita Dios imatapish ruhuaclla cashcatami ricuchin.

1 CORINTIOS 1:23

Shina cacpipish ñucanchicca Cristo cruzpi huañushcatami huillacunchic. Cai huillashcaca israelcunataca p'iñachic shinami, cutin mana israelcunamanca pucllashca shinami ricurin.

1 CORINTIOS 15:30

Shinallatac ñucanchicca, ¿ima nishpatac tutapish punzhapish huañuchina manchailla canchic?

GÁLATAS 2:3

Chashna yachachicpica ñucahuan shamuc Titotaca mana israel runa cacpipish, mana pi circuncisionta*f** ruhuachun mandarcachu.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Tucui cancunapac ricuipi ñuca huillashpaca, Jesucristo ña chacatashca cashcatami huillarcani.

GÁLATAS 4:29

Chashna cacpica maijanpish huahuacuna tiyac shina tiyashca huahuaca, Diospac Espiritumanta tiyashca huahuataca mana ricunachishpa p'iñarca. Chashnallatacmi cunanpish tucun.

GÁLATAS 6:12

Chai “circuncisionta*f** ruhuanaca allimi” niccunaca gentecunapac alli nishca cangapac, shinallatac Jesucristo cruzpi huañushcata crishcamanta ama pi p'iñachun nishpallami chashnaca nincuna.

GÁLATAS 6:17

Ñuca Apunchic Jesusta c'aticushcamanta chugririshpa alli tucushca señalmi, paipacta ruhuac cashcataca ricuchin. Chaimanta ñucataca ama pi p'iñachun.