GÁLATAS 5:10 - Nuevo Testamento en Quichua Cañar 1996

¹⁰ Shina cacpica Jesucristohuan shuc shinalla tucushcamantaca, cancuna mana pandarina cashcatami yachani. Taita Diosca maijan pandachishpa purictaca, pita cashpapish llaquichingami.

Dios Rimashcata Quillcashcami

¹⁰ Jesucristohuan shuc shinalla tucushcamantaca, cancuna mana pandarina cashcatami yachani. Diosca maijan pandachishpa purictaca, pita cashpapish llaquichingami.

GÁLATAS 5:10 ပူးပေါင်းရင်းမြစ်များ

HECHOS 15:24

Maijan runacuna cai ñucanchicpuramanta cancunapacman rishcata uyarcanchicmi. Chaicunaca ñucanchic manapish cachashca rishpami: ‘Circuncisionta ruhuashpa, Moisés mandashcacunataca tucui pactachinami canguichic’ nishpa, pandata yachachigrishcacuna.

1 CORINTIOS 5:5

Shina cacpica, chai huacllirishca runataca paipac aicha llaquichishca cachun, Satanaspac*f** maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

2 CORINTIOS 1:15

Caicunata allita yuyashpami, cancunatarac ricungapac rinata yuyarcani. Chashna yuyashpami, ishcai cutin cancunataca ricugrishpa cushichinata yuyarcani.

2 CORINTIOS 10:2

Ñuca ricungapac rishpa, ñucata “gentecuna yuyashca shinatami ruhuashpa puricun” niccunahuan ama rimanacuchunca, cancunarac utcashpa allichichic. Mana cashpaca, ñucallatacmi mana manchashpa, imatapish rimana yuyaihuan cani.

2 CORINTIOS 10:6

Cancuna tucuita cazushca q'uipaca, chai mana cazuccunata llaquichina yuyaillami canchic.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

2 CORINTIOS 2:3

Chaimantami ñuca cancunapacman ricpi, ama llaquichichun nishpa chai quillcataca quillcarcani. Llaquichinapac randica, ñucataca cushichinami canguichic. Ñuca cushilla cacpica, cancunapish cushillami canguichic.

2 CORINTIOS 2:6

Chai llaquichic runataca cancunapuramantaca taucacunami ña llaquichishcanguichic. Chaimanta ña chailla allimi.

2 CORINTIOS 5:16

Chashna cashcamantami ñucanchicca pitapish caimanta ñaupaman cai pacha gentecuna yuyashca shinaca, ña mana yuyanchic. Ñaupaman cai pacha gentecuna Cristomanta yuyashca shina yuyac cashpapish, cunanca ña mana chashna yuyanchicchu.

2 CORINTIOS 7:16

Tucui imapipish cancuna alli c'aticucta yachashpami, yallita cushicuni.

2 CORINTIOS 8:22

Shinallatac paicunahuanca ñucanchicpuramanta shuc huauquitapish cachanimi. Paitaca imapipish allita ruhuactami ricushcanchic. Cunancarin paica cancuna cuna cashcatatac yachashpaca, ashtahuanmi allita ruhuanga.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicullami, maijancunaca Cristomanta alli huillaitaca shuctac layaman yachachishun nincuna.

GÁLATAS 2:4

Ashtahuanpish mandashcacunamanta cacharirishpa, Jesucristohuan shuc shinalla tucushpa causacucta ricungapacllami, “cricmi canchic” nishpa maijancunaca pacalla yaicurcacuna. Paicunaca paicuna shina mandashcapi huatashca shina causachunmi munancuna. Chaimantami Titotaca circuncisionta ruhuachun nircacuna.

GÁLATAS 2:6

Chai pushaccunaca alli nishca cashpapish, ima mushuc yachanacunataca mana yachachircacunachu. Taita Diosca mana ima shina cashcata ricushpallachu chasquin. Chaimantami paicuna utcaman c'atic cashcapish ñucamanca ima mana can.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Tucui cancunapac ricuipi ñuca huillashpaca, Jesucristo ña chacatashca cashcatami huillarcani.

GÁLATAS 4:11

Ñucaca ñuca cancunaman ima yachachishcapish yangalla cana cashcatami manchani.

GÁLATAS 4:17

Chai gentecunaca cancunatami paicunapura tucuchun yallita munancuna. Shina cacpipish paicunapac yuyaica mana allichu. Paicunaca cancuna ñucanchicmanta raquirishpa, paicuna yachachishcata uyachunmi munancuna.

GÁLATAS 4:20

Cancunamanta imata yuyanataca mana yachanichu. Chaimanta cunantac cancunapacman rishpa, ñuca imallata yuyacushcataca cancunaman ñahui ñahui rimana yuyaimi cani.

GÁLATAS 5:12

“Circuncisionta ruhuanaca allimi” nishpa pandachishpa puriccunataca, ¡paicunapactarac tucui p'itishpachari alli canman ninimi!

GÁLATAS 5:7

Cancunaca allimi c'aticurcanguichic. Shina cashcata nic huillashcata cazushpa c'aticucpica, ¿pitac cancunataca saquichun nircayari?

GÁLATAS 6:17

Ñuca Apunchic Jesusta c'aticushcamanta chugririshpa alli tucushca señalmi, paipacta ruhuac cashcataca ricuchin. Chaimanta ñucataca ama pi p'iñachun.

FILIPENSES 3:15

Alli sinchi criccunaca chai shinallatacmi yuyana canchi. Ima shuc layata yuyacucpipish, Diosllatacmi cancuna alli yachachunca yuyaita cunga.

2 TESALONICENSES 3:4

Ñucanchic ima nishcacunata cancuna ña pactachicuc shinallatac, pactachishpa c'atina cashcatatacmi Apunchic Jesucristomantaca yachanchic.

1 TIMOTEO 1:20

Chashnami Himeneopish, Alejandropish tucushca. Paicuna Taita Diosta ama c'amishpa c'atichun nishpami, Satanasman*f** llaquichichun curcani.

FILEMÓN 1:21

Cai ñuca nishcata cazushpa, ashtahuan caicunamanta yallita ruhuana cashcata yachashpami, cai quillcata cachani.