GÁLATAS 4:30 - Nuevo Testamento en Quichua Cañar 1996

³⁰ Ashtahuanpish Dios quillcachishcapica, ¿imatatac nin? Chaipica: “Servic huarmipac huahuaca, mana servic quiquin huarmipac huahuahuan japina cashcataca mana pacta pacta japingachu. Chaimanta servic huarmita paipac huahuandic llucchishpa cachangui” ninmi.

Dios Rimashcata Quillcashcami

³⁰ Ashtahuanpish Dios quillcachishcapica, ¿imatatac nin? Chaipica: «Huatashca shina cac huarmitaca paipac huahuandi llucchishpa cachai. Chai huarmipac huahuaca quiquin huarmipac huahuahuan japina cashcataca mana pacta pacta japingachu» ninmi.

GÁLATAS 4:30 ပူးပေါင်းရင်းမြစ်များ

SAN JUAN 8:35

Amota servic runaca amopac huasipica mana causacungallachu, ashtahuanpish churimi taitahuanca causacungalla.

ROMANOS 11:2

Taita Diosca callarimanta pachami israelcunataca acllarca. Chaimanta cunanca mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica pai Diosman mañacushpaca israelcunata juchanchishpami cashna nirca:

ROMANOS 4:3

Dios quillcachishcapica: “Abrahamca Taita Diosta crircami. Chashna crishcamantami Taita Diosca paihuan alli tucuchun chasquirca” ninmi.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

GÁLATAS 3:8

Taita Diosca mana israelcuna*f** cacpipish cricpica, paihuan alli tucuchun chasquishami nishcamantami, Dios quillcachishcapica Abrahamman cai alli huillaita huillashpaca: “Canmantami tucui cai pachapi causaccunaman allicunata cusha” nishca.

GÁLATAS 4:22

Chaipica Taita Abrahamca ishcai churicunatami charirca ninmi. Shuctaca paipac servic huarmihuan, shuctaca mana servic paipac quiquin huarmihuanmi charirca ninmi.

GÁLATAS 4:31

Shina cashcamanta c'uyashca criccuna, ñucanchicca servic huarmipac huahuacuna shinaca mana canchic, ashtahuanpish mana servic quiquin huarmipac huahuacuna shina canchic.

SANTIAGO 4:5

Shina cashcamantami Dios quillcachishcapica: “Ñucanchic shungupi tiyac espirituca, allitapish mana allitapish ruhuana yuyaita cunmi” nicun. Chaitaca, ¿yangalla cashcatachu yuyanguichic?