GÁLATAS 3:19 - Nuevo Testamento en Quichua Cañar 1996

¹⁹ Shina cacpica, ¿imapactac Moisés mandashcacunaca alli canga? Chai mandashcacunaca Dios ari nishca q'uipami, taita Abrahampac aillupuramanta maijanman pai cusha nishca shamungacaman, maijanpish mana allita ruhuacushcata ricuchingapac carca. Chai mandashcacunataca angelcunami Moisesman curca. Cutin gentecunamanca paimi yachachirca.

Dios Rimashcata Quillcashcami

¹⁹ Shinashpaca, ¿imapactac Moisés mandashcacunaca alli canga? Chai mandashcacunaca Dios ari nishca quipami, taita Abrahampac aillupuramanta maijanman pai cusha nishca shamungacaman, maijanpish mana allita ruhuacushcata ricuchingapac carca. Chai mandashcacunataca angelcuna Moisesman cucpimi paica gentecunaman yachachirca.

GÁLATAS 3:19 ပူးပေါင်းရင်းမြစ်များ

SAN LUCAS 16:31

Shina nicpipish Abrahamca: ‘Moisés mandashcacunatapish, Diosmanta ñaupa huillaccuna huillashcacunatapish mana cazushpaca, huañushcacunapuramanta maijan causarishpa ricpipish, ¡maitatac cazungacunayari!’ nirca.”

SAN JUAN 1:17

Taita Diosca Moisesmanca mandashcacunatami curca. Ashtahuanpish Dios ima shina cashcata shinallatac c'uyac cashcataca, Apunchic Jesucristomantami ricuchirca.

SAN JUAN 15:22

Ñuca caicunata mana imata rimangapac shamushca cacpica, paicunaca mana juchanchishcachu canman carcacuna. Ashtahuanpish ‘cunanca mana juchayucchu cani’ ninataca mana pudincunachu.

HECHOS 7:38

Chai Moisesllatacmi shitashca pambapi ñucanchic ñaupa taitacunapura tandanacushcapipish carca. Paillatacmi Sinaí urcupi ángel rimashcatapish, ñucanchic ñaupa taitacunaman huillangapac apamurca. Chai rimashcacunaca causaita cuc rimaicunami.

HECHOS 7:53

Dios mandashcacunata angelcuna cancunaman cucpipish, mana cazuccunami canguichic— nirca.

ROMANOS 2:13

Mandashcacunata uyashcallamantaca pipish Taita Dioshuanca mana alli tucunchu, ashtahuanpish chai mandashcacunapi ima nishcata cazushpami Taita Dioshuanca alli tucun.

ROMANOS 4:15

Mandashcacunata yachashpa mana pactachicpica, Diosca llaquichingami. Mandashcacunata mana yachashpa mana pactachicpica, mana juchanchishcachu canga.

GÁLATAS 3:16

Chashna cacpica Taita Diosca pai cusha nishcataca taita Abrahammanpish, paipac huahuacunamanpish cusha nishca. Dios quillcachishcapica mana mirarishca achca huahuacunamanchu Diosca cusha nishca, ashtahuanpish Abrahamtaca: “Cambac huahua huahuacunapuramanta shucllamanmi cusha” nishcami. Chaica Cristomi can.

HEBREOS 2:2

Ñucanchic ñaupa taitacunaman angelcunata cachashpa, Taita Dios paipac mandashcacunata huillachishpaca, chashnatac cashcatami ricuchirca. Shinallatac maijanpish juchallishpa mana cazuccunataca, llaquichina cashca shinallatacmi llaquichishca carca.

HEBREOS 2:5

Taita Diosca ñucanchic parlacushca, chai shamuna cashca mushuc llacta mandanataca, mana angelcunamanchu curca.