GÁLATAS 2:15 - Nuevo Testamento en Quichua Cañar 1996

¹⁵ Ñucanchicca huacharishcamanta pachami israelcuna*f** canchic. Mana israelcuna*f** shina juchayucmi nishcaca mana canchicchu.

Dios Rimashcata Quillcashcami

¹⁵ Ñucanchicca huacharishcamanta pachami israelcuna canchic. Mana israelcuna shina juchayucmi nishcaca mana canchicchu.

GÁLATAS 2:15 ပူးပေါင်းရင်းမြစ်များ

SAN MATEO 9:11

Chashna micushpa tiyacucta ricushpami, fariseocunaca:*f** —¿Ima nishpatac cancunapac yachachicca impuestota japiccunahuanpish, ñucanchic ch'icanyachishca caishuc juchayuc gentecunahuanpish micucunyari?— nishpa, yachacuccunaman tapurcacuna.

SAN LUCAS 24:7

‘Runa Tucungapac shamushca*f** ñucataca, juchayuc runacuna japishpa huañuchingacunami. Huañuchicpipish, quimsa punzhapica causarishallami’ nircami— nircacuna.

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

ROMANOS 3:9

Shina cacpica, ¿“ñucanchic israelcunaca*f** shuccunata atishpami allicuna canchic” nishunchu? ¡Chaica mana chashnachu! Israelcuna cashpapish, mana israelcuna*f** cashpapish, tucui mashna juchapi huatashca shina cashcataca ñami ricuchircani.

ROMANOS 4:16

Abraham crishcamantami, paipac huahua huahuacunamanca Taita Dios cusha nishca pai c'uyashcallamanta cushca cachun, chashnaca nishca. Dios cushami nishcaca mana mandashcacunata cazuccunallamanchu, ashtahuanpish Abraham shina tucui criccunamanpish canmi. Chashna cacpimi, Abrahamca tucui ñucanchicpac taita shina tucushca.

GÁLATAS 2:17

Jesucristota crishcallamanta Taita Dioshuan alli tucunata munashpaca, ñucanchicpish juchayuc cashcatami ricuchinchic. Shina cacpica, ¿“Jesucristomi ñucanchicta juchata ruhuachicun” nishunchu? ¡Chashnaca mana ninachu canchic!

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

FILIPENSES 3:4

Chashna aichapi imata ruhuashcallahuan alli cana cacpica, ñucacarin tucuita atishpami chashna ruhuanapi shunguta churaiman.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.