FILIPENSES 4:4 - Nuevo Testamento en Quichua Cañar 1996

⁴ ¡Cancunaca Apunchic Jesushuan shuc shinalla cashcamanta cushicuichic! ¡Cutin cutinpish cushicuichiclla! ninimi.

Dios Rimashcata Quillcashcami

⁴ ¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

FILIPENSES 4:4 ပူးပေါင်းရင်းမြစ်များ

SAN MATEO 5:12

Cancunata chashna llaquichicpipish, ¡cushicuichiclla! Taita Diosca jahua pachapimi, cancuna japina cashcata yallita cunga. Chashnallatacmi ñaupa punzhapica, Diosmanta ñaupa huillaccunatapish llaquichircacuna.

HECHOS 16:25

Chashna huatashca cashpapish, Pabloca Silasndic chaupi tuta shinataca Taita Diosman mañashpa cantacucpimi, chaipi cac caishuc prezucunapish chaita uyarcacuna.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

2 CORINTIOS 6:10

Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

GÁLATAS 1:8

Shina cacpica ñucanchic cancunaman huillashca alli huillaita shuctac layaman huillactaca ñuca cacpipish, jahua pachamanta shamuc ángel cacpipish Taita Dios llaquichishca cachun.

FILIPENSES 2:18

Shina cashcamanta cancunapish cushicushpa, ñucatapish cushichichic.

FILIPENSES 3:1

C'uyashca criccuna, ¡Apunchic Jesushuan shuc shinalla cashcamanta cushicuichic! Ñucamanca chaillatatac, chaillatatac nishpa quillcanaca, mana shaicuchinchu. Cashna nishpa quillcanaca, cancunamanca mai allimi canga.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.