FILIPENSES 4:14 - Nuevo Testamento en Quichua Cañar 1996

¹⁴ Shina cacpipish ñuca llaquita apacucpi cancuna llaquishpa cushpaca, allitami ruhuashcanguichic.

Dios Rimashcata Quillcashcami

¹⁴ Shina cacpipish ñuca llaquita apacucpi cancuna llaquishpa cushpaca, allitami ruhuashcanguichic.

FILIPENSES 4:14 ပူးပေါင်းရင်းမြစ်များ

SAN MATEO 25:21

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui’ nirca.

ROMANOS 15:27

Chai shina paicunapac munaimanta ruhuashpaca, allitami ruhuashcacuna. Mana israelcunapish*f** cric israelcuna*f** shinallatac Dios cusha nishcata japishcamantaca, cric israelcunamanca imallatapish cushpa ayudanami can.

GÁLATAS 6:6

Dios rimashca shimita yachachiccunamanca yachacuccunaca imatapish cunami can.

FILIPENSES 1:7

Tucui shunguhuan cancunata c'uyashcamantaca, ñuca cashna yuyanaca allillatacmi. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Taita Dios cushcamantami, ñuca shina alli huillaita huillacunguichic.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

HEBREOS 10:33

Cancunapuramanta maijancunaca tucuipac ñaupapi c'amishpa, rimashcacunami carcanguichic. Cutin shuccunaca chai llaquichishcacunahuan tandanacushpami, paicuna shinallatac llaquita aparcanguichic.

HEBREOS 10:34

Cancunaca carcelpi caccunamantaca, cancuna cashca shinallatacmi llaquircanguichic. Cancuna jahua pachapi huiñai huiñaipac tucuimanta yalli allita charishcamantaca, tucui charishcata quichucpipish, cushilla carcanguichicmi.

HEBREOS 13:16

Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.