FILIPENSES 2:6 - Nuevo Testamento en Quichua Cañar 1996

⁶ Pai causashpaca Diosllatacmi carca. Shina cashpapish chai shina canataca saquircallami.

Dios Rimashcata Quillcashcami

⁶ «Diosllatacmi carca. Shina cashpapish, chai shina canataca saquircami.

FILIPENSES 2:6 ပူးပေါင်းရင်းမြစ်များ

SAN MATEO 1:23

Pai huillashpaca: “Manarac c'arihuan chayarinacushca shuc solterami, huicsayuc tucushpa, shuc c'ari huahuata charinga. Chai huahuaca Emanuel shutimi canga” nishcami. (Emanuel nishpaca: “Dios ñucanchichuan” nisha ninmi).

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 10:33

Shina nicpi israelcunaca: —Ñucanchicca mana can ima allicunata ruhuashcamantachu rumicunahuanca shitashun ninchic, ashtahuanpish can rimashcahuan Taita Diosta p'iñachishcamantami shitashun ninchic. Canca ñucanchic shina runallami cangui. Chashna cashpapish Dios shina tucusha nishpami, chashnaca nicungui— nircacuna.

SAN JUAN 10:38

Ñucaca ñuca Taita mandashcallatami ruhuani. Shina cashcamanta ñucata mana crishpapish, ñuca ruhuashcacunallatapish crichicyari. Chashna crishpami ñuca Taitaca ñucahuan cashcata, ñucaca paihuan cashcata alli yachanguichic— nirca.

SAN JUAN 14:28

‘Ñuca rishpaca, cutinllatac cancunahuan cangapac shamushami’ nishcataca, cancunallatac ña uyarcanguichicmi. Ñuca Taitaca ñucata yallimi. Chaimanta cancuna ñucata c'uyashpatacca, ñuca Taitapacman rina cashcata yachashpaca cushicunguichicmi.

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi sumacyachishca carcani, shinallatac cunanpish sumacyachiyari.

SAN JUAN 20:28

Chashna nicpi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 5:18

Jesús shina nicpica, mana samana punzhapi chai runata alliyachishcallamantachu p'iñai callarircacuna, ashtahuanpish “ñuca Taitaca Diosmi” nishpa Dios shina tucushcamantami, mandac israelcunaca ashtahuan p'iñashpa, Jesustaca huañuchinata yuyarcacuna.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Taita Diostaca, huiñai huiñaita “allimari cangui, sumacmari cangui” nishunchicyari! Chashna cachun.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

TITO 2:13

Shinallatac chai c'uyaimi, ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactanata shuyanata yachachicun.

HEBREOS 1:3

Diospac Churica Dios ima shina sumaimana achiclla cashcatami ricuchicun. Diosca Pai shinallatacmi can. Diospac Churica tucui ima tiyashcatapish, paipac imatapish ruhuaclla cashca rimashcahuanmi mandacun. Paica ñucanchic juchata p'ichashca q'uipami, jahua pacha Taita Dios maipi mandacucpi alli maquiman tiyarigrirca.

HEBREOS 1:6

Ashtahuanpish Dios quillcachishcapi Taita Dios paipac shuclla Churita cai pachaman cachasha nishpaca: “Tucui ñuca angelcuna paita alli ninguichic” ninmi.

HEBREOS 1:8

Ashtahuanpish paipac Churimanta nishpaca: “Canca huiñai huiñaita Mandac Diosmi cangui. Shinallatac can mandashpaca, imapish cashcata ruhuashpami mandangui.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

APOCALIPSIS 21:6

Chai q'uipaca ñucaman cashnami nirca: —¡Ñami tucui pactachishca! Ñucami callari A shina, tucuri Z shina tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.