FILIPENSES 2:5 - Nuevo Testamento en Quichua Cañar 1996

⁵ Jesucristo ima shinami causarca, shinallatac cancunapish causaichic:

Dios Rimashcata Quillcashcami

⁵ Jesucristo ima shinami causarca, shinallatac cancunapish causaichic. Paica:

FILIPENSES 2:5 ပူးပေါင်းရင်းမြစ်များ

SAN MATEO 11:29

Yuguta apac shina, ñuca yachachishcata c'atichic. Ñucaca mana p'iñaric, alli shungumi cani. Shina cacpimi sumac samarinata taringuichic.

SAN LUCAS 22:27

¿Maijantac punta alli nishcaca canga? ¿Mizapi micungapac tiyaricchu canga? Mana cashpaca, ¿micunata servicchu canga? Micungapac tiyaricmari, ashtahuan punta alli nishcaca can. Chashna cacpipish ñucaca servic shinallami cancunahuanca cani.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 20:35

Chashna ruhuashpami: ‘Mana chariccunamanca cunami canchic’ nishpa yachachicurcanilla. ‘Imatapish cucmi, cushcata chasquicta yalli cushicun’ nishpa, Apunchic Jesús nishcatapish yuyaringuichic” nirca.

ROMANOS 14:15

Shina cashpapish shuctac criccuna can micucta ricushpa, mana alli cashcata yuyashpa llaquiricpica, ña mana c'uyashcatami ricuchingui. Can imata micushcallamanta pacta shuctac criccuna chingarinaman rinman. Paicunamantapish Cristoca huañurcami.

ROMANOS 15:3

Shinallatac Cristopish pailla alli canataca mana munarcachu, ashtahuanpish Dios quillcachishcapi nishca shinaca: “Rimaccuna canta c'amishpa rimashpaca, ñucataracmi rimancuna” nishcami pactarca.

ROMANOS 15:5

Alli shungu canatapish, cushi canatapish cuc Diosllatac, Jesucristo causashca shina cancuna shuc yuyailla causanata cushca canman.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac paicuna quishpirichun ruhuacuni.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

1 PEDRO 2:21

Chai shina causachunmi Taita Diosca c'ayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.

1 PEDRO 4:1

Shina cashcamantaca, Cristo ima shinami ñucanchic juchacunamanta paipac cuerpopi llaquita aparca, chai shinallatac cancunapish llaquita apanalla caichic. Maijanpish cuerpopi llaquita apacca, jucha mandashca causanatami saquin.

1 JUAN 2:6

Maijanpish “Taita Dioshuan shuc shinallami cani” nishpaca, Jesucristo causashca shinallatacmi causana can.