FILIPENSES 2:25 - Nuevo Testamento en Quichua Cañar 1996

²⁵ Shinallatac Jesusmanta ñucanchic huauqui Epafroditotaca cachana alli caipac yuyachicpimi, cutichishpa cachagrini. Paimi llaquita apana cacpipish, mana manchashpa alli huillaitaca ñucahuan pacta huillacun. Ñucata ima ruhuanapipish ayudachunmi, cancunaca cachashca carcanguichic.

Dios Rimashcata Quillcashcami

²⁵ Shinallatac huauqui Epafroditotaca cachana alli caipac yuyachicpimi, cutichishpa cachagrini. Paimi llaquita apana cacpipish, mana manchashpa alli huillaitaca ñucahuan pacta huillacun. Ñucata ima ruhuanapipish ayudachunmi, cancunaca cachashca carcanguichic.

FILIPENSES 2:25 ပူးပေါင်းရင်းမြစ်များ

SAN JUAN 13:16

Amota servicca mana amota yallichu. Shinallatac maijan cashpapish, cachashca shamucca mana cachactaca yallichu. Chaica chashnatacmi can.

SAN JUAN 17:18

Ima shinami ñucata cai pachapi causaccunaman huillachun cacharcangui, chashnallatacmi ñucapish paicunataca cai pachapi causaccunaman huillachun cachacuni.

ROMANOS 16:3

Ñucahuan Apunchic Jesuspacta ruhuaccunataca Priscilatapish, Aquilatapish “allilla cashca cachun” nichic.

ROMANOS 16:9

Shinallatac ñucahuan Jesucristopacta ruhuac Urbanotapish “allilla cashca cachun” nichic. Ñucahuan mai apanacuc Estaquistapish “allilla cashca cachun” nichic.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

2 CORINTIOS 2:13

Shina cacpipish Jesusmanta ñuca huauqui Tito mana tupashcamantaca, mai llaquillami carcani. Chaimantami paicunataca “caya minchacaman” nishpa, Macedonia llactaman rircanilla.

FILIPENSES 2:26

Epafroditoca tucui cancuna ima shina cashcata ricugrina yuyaillami puricun. Ashtahuancarin pai ungushca cashcata cancuna yachashcamantami, tucui shungumanta llaquiricun.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

FILIPENSES 4:3

Shinallatac can ñucahuan Taita Diospacta ruhuacuc huauquitapish: “Chai panicuna alli tucuchun rimashpa cui” ninimi. Chai panicunaca huauqui Clementendic, shinallatac caishuc huauquicunandicmi pi imata nicucpipish, mana manchashpa alli huillaitaca ñucahuan huillarcacuna. Paicunapac shuticunapish huiñaita causangapac quillcachina libropica ña quillcashcami.

COLOSENSES 1:7

Cai alli huillaitaca, ñucanchichuan Diospacta ruhuac c'uyashca Epafras runami yachachirca. Paica Jesucristota alli c'atic cashpami, cancunaman imapish alli cachun allita ruhuacun.

COLOSENSES 4:11

Shinallatac Justo nishca Jesuspish “allilla cashca cachun” nishpami cachan. Israelcunapuramanta*f** criccunaca paicunallami, Taita Dios mandacucmanta ñucahuan pacta imatapish ruhuashpa, cushichiccunaca can.

1 TESALONICENSES 3:2

Jesusmanta ñucanchic huauqui Timoteollata cancunapacman cacharcanchic. Paica Cristomanta alli huillaita huillashpa, Taita Diospacta ruhuacmi. Pai cancunapacman rishpa cunashpa, alli crina yuyaita cuchunmi, chashna cacharcanchic.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.