FILIPENSES 2:2 - Nuevo Testamento en Quichua Cañar 1996

² Tucui mashna shuc yuyailla, shuc munailla tucushpa, shuc shinalla c'uyanacushpa, caishuc chaishuc apanacushpa, ñucataca ashtahuan cushichichunmi munani.

Dios Rimashcata Quillcashcami

² tucui mashna shuc yuyailla, shuc munailla tucushpa, shuc shinalla cuyanacushpa, caishuc chaishuc apanacushpa, ñucataca ashtahuan cushichichi ninimi.

FILIPENSES 2:2 ပူးပေါင်းရင်းမြစ်များ

SAN JUAN 3:29

Shuc bodapi cashpaca, noviaca noviopacmi. Noviopac shuc ricsishca chaipi cashpa, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

HECHOS 1:14

Tucui paicunami Jesuspac huauquicunahuanpish, paipac mama Mariahuanpish, shinallatac caishuc huarmicunahuanpish Taita Diosman mañangapac tandanacuclla carcacuna.

HECHOS 2:1

Pentecostés*f** punzha chayamucpica, Jesusta criccunaca tucuillami shuc shinalla tandanacushca carcacuna.

HECHOS 2:46

Punzhantami Diosman mañana huasipi tandanacuccuna carca. Shinallatac paicunapac huasicunapipish tandanacushpa, Jesús huañushcata yuyarishpa, c'uyai shunguhuan cushicushpami micuccuna carca.

HECHOS 5:12

Taita Dios paicunahuan cacpimi, Jesús acllashca huillaccunaca israelcunapurapica*f** pi mana ruhuaipaccunatapish, pi mana ricushcacunatapish tauca cutin ruhuarcacuna. Tucui criccunami Salomonpac corredorpica, shuc yuyailla tandanacuc carcacuna.

ROMANOS 12:16

Caishuc chaishuchuan alli apanacushpa causaichic. Ima cashpapish ama jatun tucuichicchu, ashtahuanpish chai mana jatun tucuccunahuan tandanacuichic. Cancunapac quiquin yuyaillapi ama “yachacmi cani” nichicchu.

1 CORINTIOS 1:10

C'uyashca criccuna, Apunchic Jesucristopac shutipimi ama ch'icanyarinacushpa, shuc shinalla tucushpa causachun mañani. Tucui imapipish shuc yuyailla, shuc shinalla yuyarishpa, c'uyanacushpa causaichic.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

2 CORINTIOS 2:3

Chaimantami ñuca cancunapacman ricpi, ama llaquichichun nishpa chai quillcataca quillcarcani. Llaquichinapac randica, ñucataca cushichinami canguichic. Ñuca cushilla cacpica, cancunapish cushillami canguichic.

2 CORINTIOS 7:7

Mana Tito shamushcallamantachu cushicurcanchic, ashtahuanpish Tito cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunaihuan cashcatapish, ñucata llaquichishcata yuyarishpa llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

FILIPENSES 1:4

Cancunaca callari punzhamanta pachami, quishpirinamanta alli huillaita ñuca huillacucpica, cunancaman ñucahuan pacta allita ruhuacushcanguichic. Chaimantami Taita Diosman ñuca mañacushpaca, tucui cancunamanta cushicuihuan mañani.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapica munai cushicusha.

FILIPENSES 2:20

Timoteollami ñuca shina cancunaman allita ruhuana yuyaita charin. Pai shinaca pipish mana tiyanchu.

FILIPENSES 4:2

Evodiahuan, Sintiquehuanpish Apunchic Jesusmantaca: “Ñañandic shina shuc yuyailla caichic” nishpami mañani.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuchuan shuc shinalla cashcata yachashpami cushicuni.

2 TESALONICENSES 2:13

Apunchic Jesús c'uyashca criccuna, ñucanchicca cancunata yuyarishpaca, punzhantami Taita Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

2 TIMOTEO 1:4

Ñucaca can huacashcataca yuyaricunillami. Shina cashcamanta cantaca ñahui ñahui ricushpa cushicunatami munani.

FILEMÓN 1:20

C'uyashca huauqui, Jesusta cric cashcamanta ñuca nishcacunata ruhuashpa cui. Chashna ruhuashpa ñuca shunguta cushichishpami, Apunchic Jesucristomanpish allita ruhuangui.

2 JUAN 1:4

Taita Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yalli cushicuni.

3 JUAN 1:4

Ñuca huahuacuna cashcata nic huillashcata uyashpa alli c'aticucta yachashpami, tucuimanta yalli cushicuni.