FILIPENSES 2:11 - Nuevo Testamento en Quichua Cañar 1996

¹¹ Taita Diosta “sumacmari cangui” nishpa, Jesucristotapish “tucuita Mandacmi cangui” nichunmi, chashnaca ruhuarca.

Dios Rimashcata Quillcashcami

¹¹ Diosta “sumacmari cangui” nishpa, Jesucristotapish “tucuita Mandacmi cangui” nichunmi» chashnaca ruhuarca.

FILIPENSES 2:11 ပူးပေါင်းရင်းမြစ်များ

SAN MATEO 10:32

Maijanpish gentecunaman ñucata c'aticushcata huillacpica, ñucapish jahua pachapi cac ñuca Taitapac ñaupapica: ‘Paimi ñucata c'atic’ nishami.

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN JUAN 12:42

Chashna pi mana crinchu nicpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna*f** llucchishpa cachanata manchashpami, paicunaca mana piman huillarcacuna.

SAN JUAN 13:13

Cancuna ñucata ‘Yachachic’ shinallatac ‘Apunchic Jesús’ nishpaca, allitami ninguichic. Chaica chashnatacmi cani.

SAN JUAN 13:14

Ñucaca cancunata Mandac shinallatac cancunata Yachachic cashpapish, cancunapac chaquitaca jahuashcanimi. Chaimanta cancunapurapish, caishuc chaishuc chaquitaca jahuanacuna canguichic.

SAN JUAN 14:13

Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

SAN JUAN 14:23

Shina nicpimi, Jesusca cashna nirca: —Maijan ñucata c'uyacca, ñuca rimashcacunatami cazun. Shina cacpica, ñuca Taitapish c'uyanmi. Chaimanta ñucapish, ñuca Taitapish paihuanmi causangapac shamushun.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 20:28

Chashna nicpi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

SAN JUAN 9:22

“Maijanpish ‘Jesusca Quishpichic Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, mandac israelcunaca ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

HECHOS 10:36

Taita Diosca paihuan alli tucushpa sumacta causachunmi, israelcunamanca*f** tucuita Mandac Jesucristotaca quishpirinamanta huillachun cacharca.

HECHOS 2:36

Chaimanta tucui israelcunami, caitaca alli yachana canguichic: Chai cancuna cruzpi chacatashca Jesusllatatacmi, Mandac cachunpish, Quishpichic cachunpish Taita Diosca churashca— nirca.

ROMANOS 14:11

Dios quillcachishcapica: “Mandac Diosca: ‘Ñucaca causacucllami cani. Chashna cashcamantami ñuca ñaupapica tucui mashna cunguringacuna. Tucuimi ñucataca “canca Diosmi cangui” nishpa alli ningacuna’ ” ninmi.

ROMANOS 14:9

Shina cachunmi Apunchic Jesusca huañushcacunapacpish, causaccunapacpish Mandac cangapac huañushpa causarirca.

ROMANOS 15:9

Shinallatac mana israelcunatapish*f** Dios llaquic cashcamanta paita alli nichunmi shamurca. Dios quillcachishcapica: “Chaimanta mana israelcunapurapipish cantaca pagui nishami. Shinallatac cantocunahuanpish cantaca alli nishami” ninmi.

1 CORINTIOS 12:3

Chashna cashcamanta Diospac Espíritu maijanta rimachicucpica: “Jesusca ima llaquipish tucushca canman” nishpaca, mana ninmanchu. Shinallatac maijanpish Diospac Espíritu mana rimachicucpica: “Jesusca Mandacmi” nishpaca, mana ninmanchu.

1 CORINTIOS 15:47

Puntaman Taita Dios ruhuashca Adanca allpallamantami carca. Chaipac q'uipa Adanmi, jahua pachamanta shamushca carca.

1 CORINTIOS 8:6

ñucanchicmanca shuclla Taita Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 JUAN 4:15

Maijanpish Apunchic Jesucristota “Diospac Churimi” nicca Taita Dioshuanmi causan, shinallatac Taita Diospish paihuanmi causan.

1 JUAN 4:2

Diospac Espirituhuan cashcataca cai shinami yachac chayanguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota p'iñaccunami.

APOCALIPSIS 3:5

Maijanpish millaita mishaccunami, yuraclla churana churashcaca cangacuna. Paicunapac shuticunataca huiñaita causangapac quillcachina libropi quillcashcatapish mana anchuchishachu, ashtahuanpish ñuca Taitapac, shinallatac paipac angelcunapac ñaupapimi paicunataca ‘ñucapacmi’ nisha.