FILIPENSES 1:6 - Nuevo Testamento en Quichua Cañar 1996

⁶ Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

Dios Rimashcata Quillcashcami

⁶ Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

FILIPENSES 1:6 ပူးပေါင်းရင်းမြစ်များ

SAN JUAN 6:29

Shina nicpi Jesusca: —Ñucata pai cachashca cashcata crichunmi, Taita Diosca munan— nirca.

HECHOS 11:18

Chashna nicta paicuna uyashpaca, ña mana imata nircacunachu. Ashtahuanpish: —¡Mana israelcunapish Taita Diosman cutirishpa, huiñai causaita charichunmi saquishca!— nishpami, Taita Diostaca “allimari cangui” nircacuna.

HECHOS 16:14

Chai huarmicunapurapica, Tiatira pueblomanta Lidia huarmimi ñucanchic yachachishcataca uyacurca. Chai huarmica morado sumac liensota c'atucmi carca, shinallatac Taita Diosta yuyaricmi carca. Chai huarmimanmi Apunchic Jesusca Pablo tucui imalla nishcata uyashpa cazuchun, alli yuyaita curca.

1 CORINTIOS 1:8

Apunchic Jesucristo cutimui punzhapi ama pi juchanchichunmi, chai punzhacaman Taita Diosca sinchi cricta ruhuashpa charicun.

2 CORINTIOS 1:15

Caicunata allita yuyashpami, cancunatarac ricungapac rinata yuyarcani. Chashna yuyashpami, ishcai cutin cancunataca ricugrishpa cushichinata yuyarcani.

2 CORINTIOS 2:3

Chaimantami ñuca cancunapacman ricpi, ama llaquichichun nishpa chai quillcataca quillcarcani. Llaquichinapac randica, ñucataca cushichinami canguichic. Ñuca cushilla cacpica, cancunapish cushillami canguichic.

2 CORINTIOS 7:16

Tucui imapipish cancuna alli c'aticucta yachashpami, yallita cushicuni.

2 CORINTIOS 9:4

Maijan Macedonia criccuna ñucahuan ricpi, pactarac cancunaca mana allichirishpa shuyacunguichicman. Chashna cancuna mana allichirishpa shuyacucpica, ñucanchic cancunamanta “allicunami” nishcaca yangami canga, shinallatac pingaimi canga. Ñuca pingaipi tariricpica, ¿manachu cancunamanpish pingai canga?

GÁLATAS 5:10

Shina cacpica Jesucristohuan shuc shinalla tucushcamantaca, cancuna mana pandarina cashcatami yachani. Taita Diosca maijan pandachishpa purictaca, pita cashpapish llaquichingami.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

FILIPENSES 1:10

Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

FILIPENSES 1:29

Taita Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarca.

FILIPENSES 2:12

Chaimanta ñuca c'uyashca criccuna, ima shinami ñuca cancunahuan cacpi alli cazuc carcanguichic, cunan ñuca mana cancunahuan cacpicarin, ashtahuan alli cazuccuna caichic. Cancuna ña quishpirishca cashcamantaca manchaihuan, chucchuihuan Taita Diospac ñaupapi allita ruhuana yuyailla caichic.

FILIPENSES 2:13

Taita Diosllatacmi imapish paiman allita ruhuana yuyaitapish, allita munana yuyaitapish cancunaman cun.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapica munai cushicusha.

COLOSENSES 2:12

Cancuna ña bautizarishca cashcamantaca, Apunchic Jesucristohuan enterrashca shinami canguichic. Shinallatac Cristota causachic imatapish ruhuaclla Taita Diosta crishcamantaca, huañushcacunapuramanta Cristohuan pacta causachishca shinapishmi canguichic.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

2 TESALONICENSES 1:11

Imatapish ruhuaclla ñucanchic Diosllatac cancunata c'ayashcamanta, cancuna pai munashca shina causachunmi, cancunamanta punzhanta mañacunchic. Shinallatac cancuna crishcamanta alli ruhuaicunatapish, alli yuyaicunatapish pai munashca shina pactachinata ayudachunmi, cancunamanta mañacunchic.

2 TESALONICENSES 3:4

Ñucanchic ima nishcacunata cancuna ña pactachicuc shinallatac, pactachishpa c'atina cashcatatacmi Apunchic Jesucristomantaca yachanchic.

FILEMÓN 1:21

Cai ñuca nishcata cazushpa, ashtahuan caicunamanta yallita ruhuana cashcata yachashpami, cai quillcata cachani.

HEBREOS 10:35

Cancuna chai yuyailla shuyacushcataca, amatac chingachinguichicchu. Chai yuyailla shuyashpami, sumac japinata japinguichic.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

2 PEDRO 3:10

Shina cashpapish Apunchic Jesús cutimuna punzhaca shuc shuhua shamuc shinami canga. Shina cashcamanta jahua pachaca jatun manchanayaipac tulun nishca uyaricpimi tucuringa. Chaipi ima tiyaccunaca ninahuanmi tucuchishca canga. Shinallatac cai pacha allpataca, caipi tiyaccunandicmi Taita Dios taripashpaca llaquichinga.