FILIPENSES 1:10 - Nuevo Testamento en Quichua Cañar 1996

¹⁰ Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

Dios Rimashcata Quillcashcami

¹⁰ Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

FILIPENSES 1:10 ပူးပေါင်းရင်းမြစ်များ

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 26:33

Chashna nicpi Pedroca: —Caishuccuna canta saquishpa ricpipish, ñucaca manatac saquishachu— nirca.

SAN JUAN 1:47

Jesusca Natanael paipacman cuchuyacta ricushpaca: —Caipimi Israel*f** runatac shamun. Paica jaicapi manatac llullanchu— nirca.

SAN JUAN 3:20

Tucui mana allita ruhuaccunami Achicyachictaca p'iñancuna. Paicunapac mana allita ruhuashcacuna ama achicman ricurichunmi, mana cuchuyashun nincuna.

HECHOS 24:16

Chaimantami ñucaca Taita Diospac ñaupapipish, gentecunapac ñaupapipish mana juchanchishca alli causanallata munani.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 12:9

Mana nic tucushpalla caishuc chaishuchuan c'uyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 16:17

C'uyashca criccuna, pandachishpa ch'icanyarinapi churaccunamantaca cancunallatac huacaichirichic, ninimi. Chaicunaca cancuna yachacushcacunata mana cazushpami, chashnaca ruhuancuna. Paicunamantaca ch'icanyarichic.

ROMANOS 2:18

Taita Diospac munaitapish, shinallatac pai mandashcacuna ima allita acllana cashcata yachachicushcatapish yachanguimi.

ROMANOS 7:16

Shina cacpipish, chai mana ruhuasha nicushcata ruhuashpaca, mandashcacuna alli cashcatami yuyani.

ROMANOS 7:22

Ñuca shungupica Dios mandashcacunahuanca yallitami cushicuni.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

1 CORINTIOS 1:8

Apunchic Jesucristo cutimui punzhapi ama pi juchanchichunmi, chai punzhacaman Taita Diosca sinchi cricta ruhuashpa charicun.

1 CORINTIOS 10:32

Cancunaca israelcunatapish,*f** mana israelcunatapish,*f** shinallatac Diospaclla cac tandanacushca criccunatapish ama ima mana allita ruhuashpa pandachichicchu.

1 CORINTIOS 8:13

Shina cashcamanta ruhuashcalla dioscunaman cushca aichata ñuca micushcallamanta shuc cric pandarina cacpica, paita mana pandachingapacca chai aichataca mana micunachu cani.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

2 CORINTIOS 8:8

Caitaca mana shuc mandashca shinatachu nicuni, ashtahuanpish shuccuna cushicushpa cushcata ricushpa, cancunapish cushpa, tucui shunguhuan c'uyashcata ricuchichunmi nicuni.

GÁLATAS 5:11

C'uyashca criccuna, ñuca cancunaman “circuncisionta ruhuanaca allimi” nishpa puricpica, israelcunaca*f** mana p'iñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata p'iñachinmanchu.

EFESIOS 4:15

Chaipac randica imapish cashcata huillashpa, caishuc chaishuchuan c'uyanacushpami, Cristohuan shuc shinalla causana yuyailla cana canchic. Cristoca tandanacushca criccunapac uma shinami.

EFESIOS 5:10

Cancunaca punzhantami Apunchic Jesús munashca shina causanata yuyana canguichic.

EFESIOS 5:27

Tandanacushca criccunaca paipac ñaupapi chuyalla, ima mana alli ruhuashcacunapish illac, llambuclla sumaimana ricurichunmi, chashnaca ruhuarca.

EFESIOS 6:24

Sumac mana chingaric c'uyaihuan ñucanchic Apunchic Jesucristota tucui c'uyaccunamanca, sumaimana c'uyaita Taita Diosca cushca cachun ninimi.

FILIPENSES 1:16

Alli shungumanta huillaccunaca: “Quishpirinamanta alli huillaica chashnatacmari” nishpa huillachun Taita Dios ñucata acllashcata yachashpami, c'uyaihuan huillancuna.

FILIPENSES 1:6

Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapica munai cushicusha.

1 TESALONICENSES 3:13

Shinallatac cancunata Taita Dios tucui shunguhuan cricta ruhuachunmi munanchic. Chashna cashpami Apunchic Jesús paipaclla caccunahuan tigramucpica, ñucanchic Taita Diospac ñaupapica Diospaclla tucushca, pi mana juchanchipac cashun.

1 TESALONICENSES 5:21

Alli cashcata, mana alli cashcataca alli yuyarichic. Alli cashcataca yuyarirashca, huacaichishpa causaichic.

1 TESALONICENSES 5:23

Sumac causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca paipaclla, pi mana juchanchipacta ruhuashpa huacaichichun.

1 JUAN 4:1

C'uyashca criccuna, cai pachapica taucacunami “Diosmanta huillaccunami canchic” niccuna tiyan. Shina cacpipish ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

APOCALIPSIS 2:2

Ñucaca cancuna imata ruhuacushcataca tucuimi yachani. Cancuna mana shaicushpa imata ruhuashcatapish, mana p'iñarishpa c'atirashcatapish, millaicunata mana ricunachishcatapish, shinallatac ‘Jesusmanta huillaccunami canchic’ nishpa llullashpa puriccunata taripashcatapish yachanimi.