EFESIOS 6:21 - Nuevo Testamento en Quichua Cañar 1996

²¹ Ima shina ñuca causacushcatapish, ñucamanta tucui imalla huillanatapish, Apunchic Jesuspacta allita ruhuac, ñucanchic c'uyashca cric huauqui Tiquicomi apashpa huillagringa.

Dios Rimashcata Quillcashcami

²¹ Ima shina ñuca cashcatapish, ñuca imata ruhuacushcatapish Apunchic Jesuspacta allita ruhuac, ñucanchic cuyashca huauqui Tiquicomi huillagringa.

EFESIOS 6:21 ပူးပေါင်းရင်းမြစ်များ

HECHOS 20:4

Pablohuanca Berea pueblomanta Sopaterpish, Tesalónica pueblomanta Aristarcopish, Segundopish, Derbe pueblomanta Gayopish, Timoteopish, Asia llactamanta Tiquicopish, Trofimopish Asia llactacaman rircacunami.

1 CORINTIOS 4:17

Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

FILIPENSES 1:12

C'uyashca criccuna, caitami yachachun munani: Cashna ñucata carcelpi churacpica, ashtahuanmi alli huillaica maipipish uyarishca.

COLOSENSES 1:7

Cai alli huillaitaca, ñucanchichuan Diospacta ruhuac c'uyashca Epafras runami yachachirca. Paica Jesucristota alli c'atic cashpami, cancunaman imapish alli cachun allita ruhuacun.

1 TIMOTEO 4:6

Cai rimashcacunata criccunaman yachachishpa, shinallatac crinata yachachic shimicunatapish, can c'aticushca alli yachanacunatapish micunata micuc shina yachacushpaca, Jesucristopacta allita ruhuacmi cangui.

2 TIMOTEO 4:12

Tíquico runataca Efeso pueblomanmi cacharcani.

TITO 3:12

Artemas runata cashpa, Tíquico runata cashpa cambacman ñuca cachacpica, Nicópolis pueblopi ñucata ricungapac ima shinapish shamunata yuyangui. Tamia quillacunapica chaipimi canata munani.

FILEMÓN 1:16

Cunanca ña mana cambac randishca runa shinallachu, ashtahuanpish Jesusta crishcamantaca shuc c'uyashca huauqui shinami tucushca. Ñucapish maimi paitaca c'uyani. Cancarin ñucata yallimari c'uyana cangui. Mana shuc yanga runalla shinachu c'uyana cangui, ashtahuanpish Apunchic Jesusta cric huauqui cashcamantami, ashtahuan c'uyana cangui.

1 PEDRO 5:12

Huauqui Silvanohuan tucushpami, ñucaca cai asha quillcata quillcashpa cachani. Paitaca allita pactachic cric cashcatami yuyani. Caita quillcashpaca, cancuna allicunata chasquishcaca Dios mai c'uyashpa cushcatatac yachachunmi, cunashpa cachani. Chai c'uyaimantaca amatac anchuringuichicchu.

2 PEDRO 3:15

Apunchic Jesús pai llaquishcamanta maijanpish quishpirichun nishpa, mana utca shamushpa shuyacushcataca yuyarichicyari. Caicunallamantatacmi ñucanchic c'uyashca huauqui Pablopish, Dios yuyaita cucpi cancunamanca ña quillcarca.