EFESIOS 4:27 - Nuevo Testamento en Quichua Cañar 1996

²⁷ Diablo ashtahuan pandachishpa c'atichunca ama saquichicchu.

Dios Rimashcata Quillcashcami

²⁷ Diablo ashtahuan pandachishpa catichunca ama saquichicchu.

EFESIOS 4:27 ပူးပေါင်းရင်းမြစ်များ

HECHOS 5:3

Chaimantami Pedroca Ananiasta: —Ananías, ¿ima nishpatac Satanasta*f** cambac shungupi yaicuchun saquircangui? Chaimantami canca Diospac Espirituman llullashpa, allpa c'atushca cullquitaca mana tucui apamushcangui.

ROMANOS 12:19

Ñuca c'uyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Diosllatac llaquichichun saquichiclla. Dios quillcachishcapica: “Llaquichina cacpica, ñucami llaquichisha. Paicuna japina cashca shinallatacmi taripashpa cusha” ninmi.

EFESIOS 6:11

Diablo ima millai yuyaicunata cushpa ama pandachichunca, millaita mishangapac Dios cushcacunata churarishca shina caichic.

EFESIOS 6:16

Tucuimanta yallica, millai diablo cachashca nina shina yuyaicunata jarcaringapacca Diosta crishpa, escudota churarishca shina caichic.

SANTIAGO 4:7

Diablota mana ricunachishpa, Taita Diosllata cazuichic. Shina ruhuacpica, diabloca cancunamanta caruyangallami.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.