EFESIOS 4:16 - Nuevo Testamento en Quichua Cañar 1996

¹⁶ Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish c'uyanacushpa, caishuc chaishuc allita ruhuacpica, tandanacuica sinchiyashpa c'atingami.

Dios Rimashcata Quillcashcami

¹⁶ Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish cuyanacushpa, caishuc chaishuc allita ruhuacpica, tandanacuica sinchiyashpami catinga.

EFESIOS 4:16 ပူးပေါင်းရင်းမြစ်များ

SAN JUAN 15:5

Ñucaca uvas yura shinami cani. Cancunaca ramacuna shinami canguichic. Maijanpish ñucahuan cacpica, ñucapish paihuanmi cani. Chashna cacpimi, paica allita p'ucunga. Ñucahuan mana cashpaca, imatapish mana ruhuai pudinguichicchu.

ROMANOS 12:4

Shuc cuerpopi imalla tiyaccunaca taucami tiyan. Shina cashpapish mana tucuichu chaillatatac ruhuan.

1 CORINTIOS 10:17

Taucacuna cashpapish, tucuimi chai tandallatatac micunchic. Chai shina cashcamantami tucui criccuna shuc cuerpo shina canchic.

1 CORINTIOS 13:13

Caicunamanta nishpaca, crinapish, imata shuyana cashcata shuyanapish, shinallatac c'uyaita charinapish tiyashpa c'atingallami. Ashtahuanpish cai quimsacunamanta yallica c'uyaimi.

1 CORINTIOS 8:1

Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuillatacmi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish c'uyanacushpa causashpami, tandanacushca criccunaca sinchiyanga.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

EFESIOS 1:4

Taita Diosca paipac c'uyaimantami manarac cai pachata ruhuashpa, ñucanchictaca Cristohuan shuc shinalla tucushpa jucha illac, paipaclla paipac ñaupapi cachun acllashca.

EFESIOS 3:17

Crishcallamanta cancunapac shungupi Cristo causachun, shinallatac cancuna imata ruhuashpapish c'uyaillamanta ruhuachun nishpami mañacuni.

EFESIOS 3:7

Ñucatami Taita Diosca llaquishpa mai c'uyashcallamanta, alli huillaita huillachun churarca. Diosca chashna ruhuashpami, pi mana ruhuaipacta ruhuac cashcata ricuchirca.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

EFESIOS 4:15

Chaipac randica imapish cashcata huillashpa, caishuc chaishuchuan c'uyanacushpami, Cristohuan shuc shinalla causana yuyailla cana canchic. Cristoca tandanacushca criccunapac uma shinami.

FILIPENSES 1:9

Cancunamanta ñuca Taita Diosman mañacushpaca, ashtahuan c'uyaita charichun, shinallatac alli entendishpa Diosmanta allita yachac cachunmi mañani.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.

COLOSENSES 2:2

Paicuna tucui shunguhuan crishpa, c'uyanacushpa, sinchiyashpa c'atichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

1 TESALONICENSES 2:13

Ñucanchic huillacpi, mana gentecunalla huillashcata yuyashpa, ashtahuanpish quishpirinamanta huillashcaca Diosmanta cashcata yachashpa chasquishcamantami, punzhanta Diostaca pagui nicunchiclla. Chaica Dios rimashca shimi cashpatacmari, cancunata shuctacyachicpi, sumacta causacunguichic.

1 TESALONICENSES 3:12

Ñucanchic cancunata c'uyac shinallatac, cancunamanpish caishuc-huan chaishuc-huan, shinallatac shuctaccunahuanpish c'uyanacuna yuyaita Apunchic Jesús ashtahuan cuchunmi munanchic.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

1 TIMOTEO 1:5

Caita mandashpaca, shungupi mana mapa yuyaihuan, pipish mana juchanchishca, mana nic tucushpalla crishpa, caishuc chaishuchuan c'uyanacuchunmi nini.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 JUAN 4:16

Chashnami Taita Dios ñucanchicta c'uyac cashcata yachashpa crinchic. Taita Diosca c'uyacmi. Maijanpish Diospac c'uyaita charicca Dioshuanmi causan, shinallatac Taita Diospish paihuanmi causan.