COLOSENSES 3:7 - Nuevo Testamento en Quichua Cañar 1996

⁷ Ñaupamanca cancunapish jucha munashcata ruhuashpami, chashna mana allicunata ruhuaccuna carcanguichic.

Dios Rimashcata Quillcashcami

⁷ Ñaupamanca cancunapish jucha munashcata ruhuashpami, chashna mana allicunata ruhuaccuna carcanguichic.

COLOSENSES 3:7 ပူးပေါင်းရင်းမြစ်များ

ROMANOS 7:5

Cai pacha jucha munashcata ruhuashpa mana allicunata ruhuacucpica, mandashcacunaca ñucanchic yuyaipi yaicushpa, mana allita ruhuachishpami huañuiman aparca.

1 CORINTIOS 6:11

Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

EFESIOS 2:2

Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Taita Diosca juchacunata perdonashpami, Jesucristohuan pacta causachirca.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.