COLOSENSES 3:4 - Nuevo Testamento en Quichua Cañar 1996

⁴ Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

Dios Rimashcata Quillcashcami

⁴ Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

COLOSENSES 3:4 ပူးပေါင်းရင်းမြစ်များ

SAN MATEO 13:43

Ashtahuanpish cashcata ruhuaccunaca, inti shinami Taita Dios mandacucpica achic nicunga. Maijanpish rinrita chariccunaca, cai ñuca nishcata alli uyaichic.

SAN LUCAS 17:30

Chashnallatacmi Runa Tucungapac shamushca cutimuna punzhapipish canga.

SAN JUAN 11:25

Shina nicpi Jesusca: —Ñucami causaita cucpish, huañushcacunata causachicpish cani. Maijanpish ñucata cricca huañushpapish causaringami.

SAN JUAN 14:3

Ñuca rishpa cancuna causanata allichishca q'uipaca, ñuca maipimi causani, chaipi cancuna ñucahuan causagrichunmi cutin pushangapac cutimusha.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

ROMANOS 8:18

Q'uipa punzhapi sumaimana cushicui causaita Taita Dios cucpi ñucanchic cushicuna cacpica, cunan punzha llaquita apacushcaca imapish mana canchu. Chaitaca yachanimi.

ROMANOS 8:19

Taita Dios tucui ima ruhuashcacunami, maijancunalla Diospac huahuacuna cashcata ricuchina punzhata ricuna yuyailla shuyacuncuna.

1 CORINTIOS 1:7

Chai shina cacpimi, Apunchic Jesucristo cutimunata cancuna shuyacuccunamanca, Taita Diosca imatapish paipacta ruhuachun ayudacunlla.

1 CORINTIOS 15:43

Millana cuerpota enterrashcaca sumacyachishcami causaringa. Irquiyashca cuerpota enterrashcaca alli sinchi cuerpohuanmi causaringa.

2 CORINTIOS 4:17

Cai causaipica ashacamanllami llaquita apacunchic. Chaica tucuringami. Ashtahuanpish chai llaquicunaca tucuimanta yalli huiñai causaiyuctami ruhuacun.

GÁLATAS 2:20

Ñucaca Jesucristohuanmi chacatashca shina cani. Chaimantami ña mana ñucalla causacuni, ashtahuanpish Cristomi ñucapica causacun. Shinallatac cunanca Diospac Churita crishcamantami causani. Paica ñucata c'uyashpami, ñucamanta huañurca.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

1 TESALONICENSES 4:17

Chai q'uipaca, ñucanchic causacuccunaca causarishcacunandicmi Apunchic Jesushuan jahua pachapi tupangapac p'uyupi apashca cashun. Chashna apacpica, Apunchic Jesushuanmi huiñaita causashun.

1 TIMOTEO 6:14

Cantaca ñucanchic Apunchic Jesucristo cutimungacaman, cai tucui ñuca nishcacunata pactachishpa, allita cazushpa ruhuachunmi mandani. Chashna ruhuacpica, pipish mana juchanchingachu.

2 TIMOTEO 1:1

Ñucaca Taita Dios munashcamanta, Apunchic Jesucristo acllashca huillac Pablomi cani. Apunchic Jesucristohuan shuc shinalla tucushcamanta, pai cushami nishca causaita huillacmi cani.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Taita Diosca charicun. Chaitaca cashcata ruhuashpa taripac Apunchic Jesucristomi, taripana punzhapica cunga. Mana ñucallamanchu cunga, ashtahuanpish tucui pai cutimuna punzhata c'uyaihuan shuyaccunamanpish cungami.

TITO 2:13

Shinallatac chai c'uyaimi, ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactanata shuyanata yachachicun.

HEBREOS 9:28

Shinallatacmi Apunchic Jesusca achca gentecunapac juchacunata p'ichangapacca, pai quiquinllatac curishpa huañurca. Q'uipataca ña mana juchacunata anchuchingapac shamungachu, ashtahuanpish paita shuyacuccunata quishpichingapacmi shamunga.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

1 JUAN 2:28

C'uyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuc shinalla causaichic. Chashna causashpami pai cutin shamucpica, paipac ñaupapi mana pingashpa tupashun.

1 JUAN 3:2

C'uyashca criccuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

1 JUAN 5:12

Maijanpish Diospac Churihuan cacmi, chai causaitaca charin. Maijanpish Diospac Churihuan mana cacca, mana chai causaitaca charinchu.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi imatapish ruhuaclla cashcahuanca, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

APOCALIPSIS 2:7

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca Diospac llactapi cac causaita cuc yuramantami carasha.

APOCALIPSIS 22:1

Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!