COLOSENSES 3:25 - Nuevo Testamento en Quichua Cañar 1996

²⁵ Maijanpish mana allita ruhuacca, pai mana allita ruhuashcamantaca mana allillatatacmi japinga. Taita Diosca pimanpish mana tucushpami taripanga.

Dios Rimashcata Quillcashcami

²⁵ Maijanpish mana allita ruhuacca, pai mana allita ruhuashcamantaca mana allillatatacmi japinga. Diosca pimanpish mana tucushpami taripanga.

COLOSENSES 3:25 ပူးပေါင်းရင်းမြစ်များ

SAN MATEO 16:27

Ashtahuanpish Runa Tucungapac shamushca*f** ñucaca, ñuca Taitapac sumaimana achiclla cashcahuan, shinallatac paipac angelcunahuan cutimushpaca, tucuimanmi imata ruhuashca shinallatac ricushpa cusha.

SAN LUCAS 20:21

Paicuna Jesuspacman chayamushpaca: —Yachachic, canca mana ñahuita ricushpalla, imatapish allita yachachicmi cangui. Shinallatac gentecuna Taita Dios munashca shina causachunca, mana llullashpami yachachicungui.

HECHOS 10:34

Chaimantami Pedro huillai callarishpaca: —Pi cashpapish Taita Diospac ñaupapica: ‘Caica allimi, chaica mana allichu’ ninaca mana alli cashcataca, cunanmi alli yachani.

ROMANOS 2:11

Taita Diosca pimanpish mana tucushpami, imata ruhuashcata ricushpa taripan.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

EFESIOS 6:8

Cancunaca amopacta ruhuac cashpa, mana amopacta ruhuac cashpapish, imapish allita ruhuashcamantaca Apunchic Jesusmanta japina cashcataca yachanami canguichic.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Taita Dios mandashca causacushcataca yachanami canguichic. Paica pitapish “caica allimi, chaica mana allichu” mana ninchu.

COLOSENSES 4:1

Amocuna, cancunapish shuc Amota jahua pachapi charishcamanta, cancunapac serviccunamanca allita yuyarishpa, imatapish cashcata ruhuaichic.

1 TESALONICENSES 4:6

Chaimanta pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucui mashnatami Apunchic Jesusca yallita llaquichinga.

2 TESALONICENSES 1:6

Maijanpish cancunata llaquichiccunataca, cashcata ruhuac Taita Diosca llaquichina cashca shinallatacmi llaquichinga.

FILEMÓN 1:18

Pai ima mana allita ruhuashca cacpi, imata canman manarac cutichishca cacpipish, ñucata ninguilla. Paimantaca ñucami ricusha.

HEBREOS 2:2

Ñucanchic ñaupa taitacunaman angelcunata cachashpa, Taita Dios paipac mandashcacunata huillachishpaca, chashnatac cashcatami ricuchirca. Shinallatac maijanpish juchallishpa mana cazuccunataca, llaquichina cashca shinallatacmi llaquichishca carca.

1 PEDRO 1:17

Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

SAN JUDAS 1:16

Chai shina caccunaca huashalla parlarishpa rimaccunami, ima charishcacunahuanpish mana cushilla caccunami, shinallatac quiquinman imapish alli cachunllami munancuna. Paicuna jatun tucushpami, imatapish japingaraiculla pitapish “canca allimi cangui” nic tucuncuna.