COLOSENSES 3:19 - Nuevo Testamento en Quichua Cañar 1996

¹⁹ Cusacunapish, cancunapac huarmicunata c'uyashpa, ama llaquichichicchu.

Dios Rimashcata Quillcashcami

¹⁹ Cusacunapish, cancunapac huarmicunata cuyashpa, ama llaquichichicchu.

COLOSENSES 3:19 ပူးပေါင်းရင်းမြစ်များ

SAN LUCAS 14:26

“Maijan ñucata c'atisha nishpaca, taita mamata, huarmita, huahuacunata, huauquicunata, panicunata, paipac quiquin causaitapish yallita llaquicca, mana ñuca yachacuc cai pudinchu.

ROMANOS 3:14

Paicunaca pitapish ima llaquicuna tucuchun munashpami rimarinacuncuna.

EFESIOS 4:31

Chaimanta shungu ucullapi p'iñashca canata, imapish llaquichinata, pitapish p'iñanata, c'amishpa rimanata, rimashpa caparinata, shinallatac tucui mana allicunataca saquichic.

EFESIOS 5:25

Cusacunapish, Jesucristo tandanacushca criccunata c'uyac shina, cancunapac huarmicunata c'uyaichic. Jesucristoca tandanacushca criccunata c'uyashpami huañurca.

EFESIOS 5:33

Shina cacpica quiquinllatac c'uyaric shina, cancunaca cancunapac huarmicunata c'uyaichic. Shinallatac huarmicunapish, cancunapac cusacunata alli nishpa cazuichic.

COLOSENSES 3:21

Taita mamacunapish, cancunapac huahuacunata imatapish cushilla ruhuachunca, ama yanga p'iñachichicchu.

SANTIAGO 3:14

Shina cashpapish shuccuna ama charichun nishpa shungupi p'iñanacushpaca, “yachacmi cani” nishpaca, mana jatun tucunachu canguichic. Chashna ruhuashpaca, cashcata nic huillashcata mana cazunguichicchu.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana c'aricuna shina fuerzata charincunachu. Chaimanta paicunataca sumacta pushashpa causaichic. Cusacunapish, huarmicunapish Dios c'uyashcallamanta cusha nishca, huiñai causaita japichun c'ayashcacunami canguichic. Chashna causacpimi, Taita Diosca cancuna mañashcataca uyanga.