COLOSENSES 3:13 - Nuevo Testamento en Quichua Cañar 1996

¹³ Caishuc chaishuchuan mana p'iñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

Dios Rimashcata Quillcashcami

¹³ Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

COLOSENSES 3:13 ပူးပေါင်းရင်းမြစ်များ

SAN MATEO 5:44

Ashtahuanpish ñucaca cashnami nini: Cancunata p'iñaccunata c'uyaichic, shinallatac cancunata llaquichiccunamanta Taita Diosman mañaichic.

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

MARCOS 11:25

Chashnallatac cancuna Taita Diosman mañacushpaca, maijanta p'iñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga— nirca.

SAN LUCAS 11:4

Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui’ nishpa mañanguichic— nirca.

SAN LUCAS 23:34

Chashna chacatacpipish Jesusca: —Ñuca Taitalla, perdonai. Cai gentecunaca ima ruhuacushcata mana yachancunachu— nirca. Cutin soldadocunaca Jesuspac churanacunata japinacungapacca, suertetami ruhuarcacuna.

ROMANOS 15:7

Ima shinami Cristo ñucanchicta Taita Dios alli nishca cachun chasquirca, chai shinallatac cancunapish caishuc chaishuchuan chasquinacuichic.

2 CORINTIOS 2:10

Maijanta cancuna perdonacpica, ñucapish perdonanimi. Imapish mana perdonashca cacpica, cancunata llaquishcamantami Cristopac ñaupapi chai shinaca ña perdonarcani.

2 CORINTIOS 6:6

Shinallatac pi mana juchanchipac, alli causac, imapish cashcata alli yachac, mana p'iñaric, llaquiccunami canchic. Diospac Espíritu ñucanchic shungupi cashcamantami, chuya shunguhuan c'uyaccuna cashcatapish ricuchinchic.

GÁLATAS 6:2

Caishuc chaishuc llaquicunata apanata ayudanacushpami, Cristo mandashcataca pactachinguichic.

EFESIOS 4:2

Ama pihuanpish jatun tucushpa, ama p'iñarishpa, c'uyac shunguhuan caishuc chaishuchuan apanacushpa c'uyanacuichic.

EFESIOS 4:32

Caishuc chaishuchuan c'uyac shunguhuan apanacushpa alli causaichic. Taita Dios cancunataca Jesucristomanta juchacunata perdonashca shina, caishuc chaishuc perdonanacuichic.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

COLOSENSES 3:12

Taita Diosca cancunata c'uyashpami, paipaclla cachun acllarca. Chaimantami mushuc churanata churaric shina, shungumanta llaquishpa, c'uyashpa, mana jatun tucushpa, mana p'iñarishpa, shinallatac c'uyac shunguhuan causana canguichic.

SANTIAGO 2:13

Shuccunata mana llaquiccunataca, paicunatapish mana llaquishpami, Taita Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

1 PEDRO 2:21

Chai shina causachunmi Taita Diosca c'ayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.