COLOSENSES 3:11 - Nuevo Testamento en Quichua Cañar 1996

¹¹ Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

Dios Rimashcata Quillcashcami

¹¹ Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

COLOSENSES 3:11 ပူးပေါင်းရင်းမြစ်များ

SAN JUAN 14:23

Shina nicpimi, Jesusca cashna nirca: —Maijan ñucata c'uyacca, ñuca rimashcacunatami cazun. Shina cacpica, ñuca Taitapish c'uyanmi. Chaimanta ñucapish, ñuca Taitapish paihuanmi causangapac shamushun.

SAN JUAN 15:5

Ñucaca uvas yura shinami cani. Cancunaca ramacuna shinami canguichic. Maijanpish ñucahuan cacpica, ñucapish paihuanmi cani. Chashna cacpimi, paica allita p'ucunga. Ñucahuan mana cashpaca, imatapish mana ruhuai pudinguichicchu.

SAN JUAN 17:23

Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami c'uyangui, chashnallatac paicunatapish c'uyac cashcata yachangacuna.

HECHOS 15:17

Chashna ruhuacpimi mai llactamanta mana israelcuna cashpapish, ñuca c'uyashcacunaca ñucaman mañanata yuyaringacuna.

HECHOS 28:2

Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

HECHOS 28:4

Maquipi chashna huarcuracucta chaipi causaccuna ricushpaca: “Cai runaca huañuchic runami yuyachin. Ñucanchic diosca millaicunata llaquichic cashpami, yacumanta quishpirimucpipish, paitaca mana causachun saquin” ninacurcacuna.

ROMANOS 1:14

Ñucaca griegocunamanpish,*f** mana griegocunamanpish, yachaccunamanpish, mana yachaccunamanpish huillanami cani.

ROMANOS 10:12

Israelcunapish, mana israelcunapish chai shinallatac cacpimi, Apunchic Jesusca tucuipac Mandac can. Shina cashcamantami maijanpish mañaccunamanca imatapish yallita cun.

ROMANOS 3:22

Taita Diosca Jesucristota crishcamantami, tucui criccunata paihuan alli tucuchun chasquin. Taita Diospac ñaupapica tucui gentecunami chashnallatac can.

ROMANOS 3:29

¿Taita Diosca israelcunapaclla Dioschu? ¿Manachu tucui gentecunapac Dios canga? Ari, shinami can. Taita Diosca tucuipac Diosmi can.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

1 CORINTIOS 14:11

Ashtahuanpish shuctac rimaita mana entendishpaca, chai rimaita rimacmanca mai caru llactamanta shinami cani, shinallatac chai rimaita rimacpish ñucamanca mai carumanta shinami.

1 CORINTIOS 7:19

Taita Diosmanca circuncisionta ruhuashcapish, mana ruhuashcapish mana ima canchu, ashtahuancarin pai mandashcacunata cazunami ashtahuan alli.

GÁLATAS 2:20

Ñucaca Jesucristohuanmi chacatashca shina cani. Chaimantami ña mana ñucalla causacuni, ashtahuanpish Cristomi ñucapica causacun. Shinallatac cunanca Diospac Churita crishcamantami causani. Paica ñucata c'uyashpami, ñucamanta huañurca.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

EFESIOS 1:23

Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

EFESIOS 2:14

Cristomi ñucanchicmanca israelcunahuan, mana israelcunahuan apanacushpa causana yuyaita cun. Pai huañushpami, ch'icanyarinacushca shuc pirca shinata anchuchishpa, shuclla tandanacushcata ruhuarca.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami israelmantapish, mana israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

EFESIOS 3:17

Crishcallamanta cancunapac shungupi Cristo causachun, shinallatac cancuna imata ruhuashpapish c'uyaillamanta ruhuachun nishpami mañacuni.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamanta, mana israelcuna israelcunahuan pacta japina cashcata japingacunami. Paicunaca shuc cuerpo shina cashcamantami, Jesucristomanta Taita Dios cusha nishcataca chasquingacuna.

EFESIOS 6:8

Cancunaca amopacta ruhuac cashpa, mana amopacta ruhuac cashpapish, imapish allita ruhuashcamantaca Apunchic Jesusmanta japina cashcataca yachanami canguichic.

COLOSENSES 2:10

Jesucristollamantami, Taita Diospac tucui sumaccunataca charinguichic. Paica poderta charic mandac espiritucunata mandacmi.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

2 JUAN 1:9

Maijanpish Cristo yachachishcamanta ashtahuan yallichishpa yachachisha nicca, mana Dioshuanchu. Maijanpish Cristo yachachishca shina yachachicllami Taita Dioshuanpish, paipac Churi Jesucristohuanpish can.