COLOSENSES 3:1 - Nuevo Testamento en Quichua Cañar 1996

¹ Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Taita Diospac alli maqui ladoman tiyacun.

Dios Rimashcata Quillcashcami

¹ Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Diospac alli maqui ladoman tiyacun.

COLOSENSES 3:1 ပူးပေါင်းရင်းမြစ်များ

SAN MATEO 22:44

‘Mandac Taita Diosca ñucata Mandactaca: “Canta p'iñaccunata cambac chaqui sarunapi churangacaman, canca ñuca alli maquiman tiyacuilla” ninmi’ nishcami.

SAN MATEO 26:64

Shina nicpi Jesusca: —Ña canllatac nishcanguimi. Ashtahuanpish ñucaca cancunamanca cashnami nini: Cunanmanta pacha Runa Tucungapac shamushca*f** ñucataca, imatapish ruhuaclla Taita Diospac alli maquiman tiyacuctami ricunguichic. Shinallatac jahua pachamanta p'uyupi shamucuctapish ricunguichicmi— nirca.

SAN MATEO 6:20

Ashtahuanpish jahua pachapi chayuc canata munaichic. Chaipica polillapish mana micunchu, imapish mana chingarinchu, shinallatac shuhuacunapish mana shuhuanchu.

SAN MATEO 6:33

Cancunaca tucuimanta yallica, Taita Dios munashcata ruhuashpa, pai mandacucpi causanata yuyaichic. Shinashpaca, cancunapac ima illashcatapish chasquinguichicllami.

MARCOS 12:36

Davidllatacmi Diospac Espíritu yuyaita cucpica: ‘Mandac Taita Diosca ñucata Mandactaca: “Canta p'iñaccunata cambac chaqui sarunapi ñuca churangacaman, canca ñuca alli maquiman tiyacuilla” nin’ nishcami.

MARCOS 14:62

Chashna tapucpi Jesusca: —Ari, chaimi cani. Runa Tucungapac*f** shamushca ñucataca, imatapish ruhuaclla Taita Diospac alli maquiman tiyacuctapish, p'uyupi jahua pachamanta shamucuctapish ricunguichicmi— nirca.

MARCOS 16:19

Apunchic Jesús paipac yachacuccunata chashna mandashca q'uipaca, Taita Dios paita pushacpimi, jahua pachaman rirca. Chaipimi paipac alli lado maquiman tiyarirca.

SAN LUCAS 12:33

Cancunaca imalla charishcata c'atushpa, huacchacunaman cuichic. Chashna ruhuashpaca, mana ismuclla coshtalpi huacaichic shinami, jahua pacha huiñai causaipi charicyanguichic. Chaipica shuhuapish mana yaicunchu, polillapish mana micunchu.

SAN LUCAS 20:42

Davidllatacmi Salmospica: ‘Mandac Taita Diosca ñucata Mandactaca: “Canta p'iñaccunata cambac chaqui sarunapi ñuca churangacaman, canca ñuca alli maquiman tiyacuilla” ninmi’ nirca.

SAN LUCAS 22:69

Shina cacpipish cunanmanta pachami, Runa Tucungapac shamushca*f** ñucaca imatapish ruhuaclla Taita Diospac alli maquiman tiyacugrisha— nirca.

HECHOS 2:34

Mana Davidchu jahua pachamanca chashna tucushpa rirca, ashtahuanpish paillatacmi Jesusmanta huillashpaca: ‘Mandac Taita Diosca ñucata Mandactaca:

HECHOS 7:55

Ashtahuanpish Diospac Espíritu shungupi junda cashpami, Estebanca jahua pachata huichailla ricushpa, Taita Diospac sumaimana cashcatapish, shinallatac Apunchic Jesús paipac alli lado maquiman shayacuctapish ricurca.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

ROMANOS 8:6

Cai pacha jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca shina causaccunaca, sumac causaitami charinga.

2 CORINTIOS 4:18

Ñucanchicca cai pachapi ima ricunalla tiyashcacunapica mana yuyaita churanchicchu, ashtahuanpish mana ricushcacunapimi yuyaita churanchic. Chai imapish ricushcacunaca chingarinllami, ashtahuanpish chai mana ricushcacunami huiñaipac can.

EFESIOS 4:10

Shina shamushca cashpami, paillatac tucui maipipish cangapacca jahua cielomanta ashtahuan jahuaman rirca.

EFESIOS 5:22

Huarmicuna, Apunchic Jesusta cazuc shina cancunapac cusacunata cazuichic.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

COLOSENSES 3:2

Ama cai pachapi ima tiyashcacunallapi shunguta churaichicchu, ashtahuanpish jahua pachapi imalla tiyashcapi yuyashpa causaichic.

HEBREOS 1:13

Taita Diosca maijan angeltapish: “Ñuca canta p'iñaccunata cambac chaqui sarunapi churangacaman, ñuca alli maquiman tiyacuilla” nishpaca, jaicapi mana nishcachu.

HEBREOS 1:3

Diospac Churica Dios ima shina sumaimana achiclla cashcatami ricuchicun. Diosca Pai shinallatacmi can. Diospac Churica tucui ima tiyashcatapish, paipac imatapish ruhuaclla cashca rimashcahuanmi mandacun. Paica ñucanchic juchata p'ichashca q'uipami, jahua pacha Taita Dios maipi mandacucpi alli maquiman tiyarigrirca.

HEBREOS 10:12

Tucuipac juchacunamantami Jesucristoca pai quiquinllatac curishpa, huiñaipac huañurca. Chai q'uipaca Taita Diospac alli maquimanmi tiyarirca.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

HEBREOS 8:1

Cancunaman ñucanchic nicushcamanta ashtahuan yallica, curacunata jatun mandac curatami charinchic. Paica jahua pachaman rishpami, Taita Dios maipi mandacucpi alli maquiman tiyacun.

1 PEDRO 3:22

Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.