COLOSENSES 2:3 - Nuevo Testamento en Quichua Cañar 1996

³ Diosmanta sumac yachaicunatapish, alli yuyaicunatapish paillatacmi charicun.

Dios Rimashcata Quillcashcami

³ Diosmanta sumac yachaicunatapish, alli yuyaicunatapish paillatacmi charicun.

COLOSENSES 2:3 ပူးပေါင်းရင်းမြစ်များ

SAN MATEO 10:26

Gentecuna llaquichigricushcata yachashpapish, mana manchanachu canguichic. Ima pacalla ruhuashcapish, mana pacalla saquiringachu. Imata pacalla ruhuashcapish, tucuimi ricuringa.

SAN LUCAS 11:49

Chaimantami Taita Diosca tucuita yachac cashpa, cashna nirca: ‘Ñuca ima nishcata huillaccunatapish, shinallatac ñuca acllashca huillaccunatapish cachashami. Chai cachashcacunamanta maijancunataca huañuchingacunami, maijancunataca mana ricunachishpa llaquichingacunami’ nirca.

ROMANOS 11:33

Taita Diospac c'uyaica tucuita yalli sumacmi. Paica tucui imatapish yachanmi. Pai imata yuyacushcata, shinallatac pai imata ruhuasha nicushcatapish pipish mana yachanchu.

1 CORINTIOS 1:24

Ashtahuanpish Dios c'ayashcacunamanca, israelcunaman cashpa, mana israelcunaman cashpa, Cristomanta huillashcaca Taita Dios imatapish ruhuaclla, shinallatac yachac cashcatami ricuchin.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

EFESIOS 1:8

Taita Diosca tucuita yachac, alli yuyaiyuc cashpami, paipac c'uyaitapish ñucanchicman ricuchishpa,

COLOSENSES 1:19

Taita Diosca paipac Churi pai ima shina cashca shinallatac cachunmi munarca.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

COLOSENSES 1:9

Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Taita Diosca pacashpa charicun.

2 PEDRO 1:5

Chaimanta cancuna criccuna cashpaca, allita ruhuanata munanami canguichic. Ña allita ruhuashpaca, allita entendinami canguichic.

APOCALIPSIS 2:17

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca pacashca tiyacuc maná shuti tandatami carasha. Shinallatac yuraclla rumitami cusha. Chaipica mushuc shutita quillcashcami canga. Chaitaca pipish mana ricsingachu, ashtahuanpish chaita chasquicllami ricsinga.