COLOSENSES 2:2 - Nuevo Testamento en Quichua Cañar 1996

² Paicuna tucui shunguhuan crishpa, c'uyanacushpa, sinchiyashpa c'atichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

Dios Rimashcata Quillcashcami

² Paicuna tucui shunguhuan crishpa, cuyanacushpa, sinchiyashpa catichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

COLOSENSES 2:2 ပူးပေါင်းရင်းမြစ်များ

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN MATEO 13:11

Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.

SAN LUCAS 1:1

Cai ñucanchic llactapi imalla tucushcacunataca, ñucanchicpuramanta achca uyaccunami callarimanta quillcasha nicurcacuna.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 10:38

Ñucaca ñuca Taita mandashcallatami ruhuani. Shina cashcamanta ñucata mana crishpapish, ñuca ruhuashcacunallatapish crichicyari. Chashna crishpami ñuca Taitaca ñucahuan cashcata, ñucaca paihuan cashcata alli yachanguichic— nirca.

SAN JUAN 16:15

Ñuca Taita tucui imalla charishcacunaca ñucapacmi. Chaimantami ‘Diospac Espirituca ñucamanta chasquishpa, cancunamanca yachachinga’ nircani.

SAN JUAN 17:3

Cai huiñai causaica, shuclla Taita Dios can cashcata, shinallatac can cachashca Jesucristota ricsinami.

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Chaimantami ñucapish caicunata ruhuacuni— nirca.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

SAN JUAN 6:69

Ñucanchicca cantaca ña crishcanchicmi. Shinallatac canca Dios cachashca Jucha Illac cashcatapish yachanchicmi— nirca.

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.

ROMANOS 15:13

Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

ROMANOS 16:25

¡Alli huillaita ñuca huillashca shina, shinallatac Jesucristomanta yachachishca shina cancunata alli c'aticta ruhuac Taita Diostaca alli nishunchic! Pai chashna ruhuashpaca, cai pachata manarac ruhuashca punzhamanta pacha pacashca tiyacushcatami ricuchin.

ROMANOS 2:4

Taita Dios paipac c'uyaillamanta paipacman c'ayashcata mana yuyarishpaca, pai punzhanta llaquicushcatapish, mana p'iñarishpa shuyacushcatapish yangapimi churacungui.

1 CORINTIOS 14:31

Chashnami tucui mashna yachacushpa, alli yuyaita japichunca, tucuillatac Dios ima nishcataca shuyanacushpa huillana canguichic.

1 CORINTIOS 2:12

Ñucanchicca mana cai pachapaclla cac espiritutachu chasquircanchic, ashtahuanpish Dios cushca Espiritutami, pai c'uyashpa yachachishcacunata entendingapac chasquircanchic.

GÁLATAS 3:28

Jesucristohuan shuc shinalla tucushcamantaca, tucui mashnami shuc shinalla canguichic. Shina cacpica israel*f** cashpapish, mana israel*f** cashpapish, servic cashpapish, mana servic cashpapish, c'ari cashpapish, huarmi cashpapish mana ima canchu.

EFESIOS 1:7

Taita Diosca mai c'uyashcamantami, paipac Churi yahuarta jichashcamanta ñucanchictaca huatashca shinamanta cacharichishpa, juchacunata perdonarca.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Taita Diosman mañacuni.

EFESIOS 3:3

Taita Diosca pi mana yachashcatami ñucamanca yachachirca. Chaitaca ñami ashallatapish huillashpa quillcarcani.

EFESIOS 6:22

Chaimantami cancunaman ñucanchic caipi ima shina cashcata huillashpa, ashtahuan cushichichun paita cachani.

FILIPENSES 2:1

Cristo paipac c'uyaihuan cancunata sinchiyachishpa cushichicucpica, Diospac Espiritupish cancunahuanmi. Chaimantami caishuc chaishuc c'uyanacuipish, llaquinacuipish tiyan.

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota c'uyashpa paihuan cangapacmi, chai tucui yangallacunataca ima mapata laya shitarcani.

COLOSENSES 1:26

Chai huillasha nicushcataca, ñaupa huatacunamanta pachami cancunamanca pacashpa charicushca. Shina cacpipish cunanmi paipaclla caccunamanca huillashca.

COLOSENSES 1:27

Chashnami Taita Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

COLOSENSES 1:9

Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.

COLOSENSES 3:14

Tucuimanta yallica, c'uyanacushpami causana canguichic. Chashna c'uyanacushpa causashpami, tucui mashna shuc shinalla sumacta causanguichic.

COLOSENSES 4:3

Shinallatac Cristomanta pi mana yachashca alli huillaita maipipish mana jarcarishpa huillangapac, ñucanchicmantapish Taita Diosman mañaichic. Chaita huillashcamantami, ñucapish caipi prezu tiyacuni.

COLOSENSES 4:8

Ñucanchic ima shina cashcata cancunaman huillashpa, ashtahuan alli c'atina yuyaita cuchunmi, paitaca cancunapacman cachani.

1 TESALONICENSES 1:5

Ñucanchic cancunaman quishpirinamanta alli huillaita huillacushpaca, mana rimaillahuanchu yachachircanchic, ashtahuanpish Diospac Espíritu yachachicpimi, imatapish ruhuaclla Diosmanta allicunata ruhuashpa ricuchircanchic. Ñucanchic cancunaman alli huillaita huillacushcaca chashnatac cashcata alli yachashpa, cancunapac allipac ruhuashcataca yachanguichicmi.

1 TESALONICENSES 3:2

Jesusmanta ñucanchic huauqui Timoteollata cancunapacman cacharcanchic. Paica Cristomanta alli huillaita huillashpa, Taita Diospacta ruhuacmi. Pai cancunapacman rishpa cunashpa, alli crina yuyaita cuchunmi, chashna cacharcanchic.

1 TESALONICENSES 5:14

Shinallatac c'uyashca criccuna, chai imata mana ruhuasha nic q'uillacunatapish rimaichic, llaquilla caccunatapish cushichichic, manarac sinchi criccunatapish yachachichic. Shinallatac tucuihuan mana p'iñarishpa, alli shungu caichic.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

HEBREOS 6:11

Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.

2 PEDRO 1:10

Chaimanta c'uyashca criccuna, cancunata Dios acllashpa c'ayashcamantaca, caicunata yuyaipi charishpami causana canguichic. Chashna causashpami, jaicapi mana pandaringuichic.

2 PEDRO 1:3

Taita Diosca Jesucristota ricsichishpami, pai imatapish ruhuaclla cashcahuan ñucanchic paita allita yuyariccuna cachun, tucui ima illashcatapish ñucanchicmanca cushca. Cristoca pai cashcata ruhuac cashcata, sumaimana cashcata ricuchingapacmi c'ayarca.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai c'uyac cashcata yachashpa, ashtahuan c'uyanacuichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

1 JUAN 3:19

Chashnami cashcata ruhuacpac cashcata yachashpa, Taita Diospac ñaupapi alli cashcatapish yachashun.

1 JUAN 5:7

Quimsacunami caicunata huillan: