COLOSENSES 2:18 - Nuevo Testamento en Quichua Cañar 1996

¹⁸ “Diosta alli cazuccunami canchic” nishpa nic tucuccuna, “angelcunata alli niccunami canchic” niccuna, shinallatac “muscuipi imatapish ricuccunami canchic” niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

Dios Rimashcata Quillcashcami

¹⁸ «Diosta alli cazuccunami canchic» nishpa nic tucuccuna, «angelcunata alli niccunami canchic» niccuna, shinallatac «muscuipi imatapish ricuccunami canchic» niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

COLOSENSES 2:18 ပူးပေါင်းရင်းမြစ်များ

SAN MATEO 24:24

Chai punzhacunapica ‘ñucami Cristo cani’ nishpa huillaccunapish, ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingami. Chashna ruhuashpaca, Taita Dios acllashcacunatapish ima shinapish pandachinatami yuyangacuna.

ROMANOS 1:25

Paicunaca cashcata nic huillashcata saquishpami, llulla huillashcata c'atishpa, Diosllata cungurishpa alli ninapac randica, pai ruhuashcacunallata cungurishpa adorancuna. Taita Diosllami huiñaita alli nishca cana can. Chashna cachun.

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

1 CORINTIOS 13:4

Maijanpish c'uyaita charicca, llaquichicpipish mana p'iñaric, alli shunguyucmi. Shuccuna ama charichun nishpa mana munacchu, shinallatac “allimi cani” nishpa mana jatun tucushcachu.

1 CORINTIOS 3:3

Cancunaca cai pacha jucha munashca shina causacushcamantami, shuccuna ama charichun nishpa munanacunguichic, shinallatac p'iñanacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

1 CORINTIOS 4:18

Maijan cancunaca: “Pabloca ña mana ricungapac shamungachu” yuyashpami, “ñucami alli yachac cani” niricunguichic.

1 CORINTIOS 4:6

C'uyashca criccuna, Apolostapish shinallatac ñucallatatacpish ima shina cashcata ricuichic. Caicunataca cancunapac allipacllatacmi rimani. Caitaca ñucanchic shina pipish quillcashcapi nishca shinamanta ama yallita ruhuachun, shinallatac “paimi alli, caishucca mana allichu” nishpa ama rimachunmi quillcani.

1 CORINTIOS 8:1

Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuillatacmi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish c'uyanacushpa causashpami, tandanacushca criccunaca sinchiyanga.

1 CORINTIOS 9:24

Shuc callpanapi caccunaca tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Shina cashcamanta chai japinata cancunapish japingapacca, callpashpa mishanacuc shina alli causaichic.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna ch'icanyarinacushpa, shuccuna ama charichun nishpa munanacushpa, p'iñanacushpa, quiquinlla alli canata munanacushpa, huashalla parlanacushpa, c'aminacushpa, jatun tucushpa shinallatac maipish cachun causashpa puricuctami manchani.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

EFESIOS 5:6

Chashna mana allita ruhuashcamantami Taita Dios p'iñarishpa, tucui paita mana cazuccunataca llaquichinga. Chaimanta yanga parlocunahuanca pipish cancunata ama pandachichun.

FILIPENSES 3:14

Jesucristomanta Taita Dios cusha nishca tucuimanta yalli alli cacpimi, chaita japingapac chayana yuyailla ricuni.

COLOSENSES 2:23

Chai mandashcacunaca Diosta yuyarinatapish, mana jatun tucunatapish, shinallatac cuerpota huanachinatapish yachachishcamantami, chaita ruhuaccunaca yachac shina ricurincuna. Chaica chashnatacmi. Ashtahuanpish tucui chaicunaca cai pacha jucha munaicunata mana jarcanchu.

COLOSENSES 2:4

Caita nishpaca, cancunata ama mishquilla rimaicunahuan llullashpa crichichunmi chashnaca nini.

COLOSENSES 2:8

Chai llullashpa yachachiccuna cancunata yanga paicuna yuyashcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

1 TIMOTEO 1:7

Paicunaca imata nicushcatapish, “caica cashnami” nishpa yachachicushcatapish mana entendinchu. Shina cashca jahuami, paicunaca Taita Dios mandashcacunata yachachic canata munancuna.

1 TIMOTEO 4:1

Chashna cacpipish q'uipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcatapish c'atishcamantami, crishcatapish saquishpa ña mana c'atishun ningacuna.

2 PEDRO 2:14

Maijan huarmita ricushpapish, huacllirina yuyaillami cancuna. Chashna cashcamanta juchallinataca manatac shaicuncunachu. Manarac sinchi criccunataca pandachincunallami. Paicunaca tucuita atishpa imatapish charinallatac munaccunami, shinallatac Dios mana ricunachishca gentecunami.

1 JUAN 2:26

Cancunamanca llullashpa huillaccuna ima shina cana cashcamantami quillcacuni.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

APOCALIPSIS 13:14

Punta shamuc animalpac ñaupapi chai manchana animal chashna ruhuashpa ricuchichunpish, cai pachapi tucui causaccunata llullashpa crichichunpish Diosca saquircami. Shina saquicpica: “Chai punta animalca espadahuan huañunallatac chugrichishca cashpapish, causashpa c'atinmi” nishpami, chai animalman ricchata ruhuachunpish mandarca.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: —Ama chashna ruhuaichu. Ñucapish can shina Jesús huillashcata mana cungashpa c'atic, caishuc criccuna shinallatac Diospacta ruhuacmi cani. Taita Diostami alli nina cangui— nirca. Diosmanta huillaccunamanca Jesús huillashcacunami huillana yuyaita cun.

APOCALIPSIS 3:11

Cancunaman ñuca cusha nishcata ama pi quichuchun, ñucata c'atiranguichic. Ñucaca ñallami shamusha.