COLOSENSES 1:3 - Nuevo Testamento en Quichua Cañar 1996

³ Cancunamanta mañacushpaca, ñucanchic Apunchic Jesucristopac Taita Diosmanca punzhantami pagui nicunchiclla.

Dios Rimashcata Quillcashcami

³ Cancunamanta mañacushpaca, ñucanchic Apunchic Jesucristopac Diostami punzhanta pagui nicunchiclla.

COLOSENSES 1:3 ပူးပေါင်းရင်းမြစ်များ

ROMANOS 15:6

Tucui mashna shuc yuyailla tucushpa, ñucanchic Apunchic Jesucristopac Taita Diosta alli nichunmi, chashnaca munani.

1 CORINTIOS 1:4

Jesucristomanta Taita Dios cancunaman sumac allicunata cushcamantaca, punzhantami Taita Diostaca pagui nicunilla.

2 CORINTIOS 1:3

¡Ñucanchic Apunchic Jesucristopac Taita Diosca alli nishca cachun! Paimi llaquilla cacpipish, llaquishpa cushichicunlla.

EFESIOS 1:15

Chaimanta cancuna Apunchic Jesusta crishpa, Diospaclla cac tucui criccunahuan c'uyanacuita charishcata uyashpami,

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

FILIPENSES 4:6

“¿Imachari tucusha?” nishpa, ama chai yuyailla canguichicchu. Ashtahuanpish Taita Diosman mañacushpaca, tucuita paiman huillashpa, imamantapish pagui nicuichiclla.

COLOSENSES 1:13

Taita Diosmi amsa millai yuyaicuna mandashpa huatashca shina charicucmanta, paipac c'uyashca Churi mandacucman aparca.

COLOSENSES 1:9

Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

1 TESALONICENSES 1:2

Ñucanchic Taita Diosman mañacushpaca, tucui cancunata yuyarishpami, Taita Diostaca pagui nishpa mañacunchiclla.

2 TIMOTEO 1:3

Ñaupa taitacuna ruhuashca shinallatac, ñucapish tucui shunguhuan Diospacta ruhuashpa, tutapish, punzhapish paiman mañacushpaca, canta yuyarishpami pagui nicunilla.