2 TIMOTEO 4:2 - Nuevo Testamento en Quichua Cañar 1996

² Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.

Dios Rimashcata Quillcashcami

² Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

2 TIMOTEO 4:2 ပူးပေါင်းရင်းမြစ်များ

SAN LUCAS 7:23

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nirca.

SAN LUCAS 7:4

Paicuna Jesuspacman chayashpaca: —Soldadocunata mandacmi canta c'ayacun. Paica ñucanchic llactata c'uyacmi. Paillatacmi ñucanchic tandanacuna huasitapish shayachichirca. Chashna cashcamanta paimanpish allita ruhuashpa cuiyari— nishpa, mailla mañarcacuna.

SAN LUCAS 9:60

Chashna nicpi Jesusca: —Saqui, huañushca shina causaccunaca huañushcacunata enterrachun. Canca shamui, Taita Dios mandacucmanta alli huillaita huillagringui— nirca.

HECHOS 13:5

Chai llactapi cac Salamina puebloman chayashpaca, israelcuna*f** tandanacuna huasicunapimi Diosmanta alli huillaita huillarcacuna. Marcos nishca Juanpish, paicunata ayudashpami purirca.

HECHOS 16:13

Chaipi cashpami samana punzha*f** chayamucpica, chai pueblomanta llucshishpa, jatun yacu pataman rircanchic. Chai yacu patapimi, Taita Diosman mañangapac israelcunaca*f** tandanacuc cashca carca. Ñucanchicpish chaipi tiyarishpami, chaiman tandanacumuc huarmicunaman yachachircanchic.

HECHOS 20:7

Semana callari domingo punzhapica, tucui criccunami Jesús huañushcata yuyarishpa, tandata micungapac tandanacurcanchic. Pabloca cayandic ña rina cashcamantami, chaupi tutacaman yachachishpa c'atircalla.

HECHOS 28:16

Ña Romaman chayashpaca, pasac soldadocunata mandacca chai llactapi soldadocunata mandacmanmi, tucui prezucunata curca. Pablotaca shuc cuidac soldadohuanmi shuc huasipi ch'ican causachun churarca.

ROMANOS 10:15

Shinallatac quishpirinamanta huillachun pipish mana cachacpica, ¿ima shinatac huillangacunayari? Dios quillcachishcapica: “Alli huillaita huillangapac chayaccunaca, ¡mai sumacmi can!” ninmi.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

GÁLATAS 6:6

Dios rimashca shimita yachachiccunamanca yachacuccunaca imatapish cunami can.

COLOSENSES 1:25

Taita Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

COLOSENSES 4:3

Shinallatac Cristomanta pi mana yachashca alli huillaita maipipish mana jarcarishpa huillangapac, ñucanchicmantapish Taita Diosman mañaichic. Chaita huillashcamantami, ñucapish caipi prezu tiyacuni.

1 TESALONICENSES 1:6

Cancuna quishpirinamanta alli huillaita chasquishpami, ñucanchic c'atic shinallatac Apunchic Jesustaca c'aticunguichic. Mai llaquihuan cashpapish, Diospac Espíritu cushichicpimi, cushilla canguichic.

1 TESALONICENSES 5:14

Shinallatac c'uyashca criccuna, chai imata mana ruhuasha nic q'uillacunatapish rimaichic, llaquilla caccunatapish cushichichic, manarac sinchi criccunatapish yachachichic. Shinallatac tucuihuan mana p'iñarishpa, alli shungu caichic.

1 TESALONICENSES 5:20

Dios ima nicushcata Diosllatac huillana yuyaita cucpica, pacta mana uyashun ninguichicman.

1 TIMOTEO 4:13

Ñuca shamungacamanca, Dios rimashca shimita criccunaman rizashpa, yachachishpa cunangui.

1 TIMOTEO 5:20

Shina cacpipish juchata ruhuashpa c'aticpica, tucui tandanacushca criccunapac ñaupapimi rimana cangui. Chashna ruhuacpimi, tucui mashna manchangacuna.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 TIMOTEO 2:25

P'iñaccunatapish c'uyai shunguhuanmi yachachina can. Chashna yachachicpi Taita Dios paiman cutirina yuyaita cucpi, cashcata nic huillashcata cringapishchari.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca p'iñaric cashcatapish, cric cashcatapish, c'uyac cashcatapish,

TITO 1:13

Chashna nishpaca, cashcatatacmi nirca. Chaimantami chai pandachiccunataca Diosmanta yachachishcallata criccuna cachunca, sinchita rimana cangui.

TITO 2:15

Cai ñuca nishcacunata yachachicushpaca, cunashpa shinallatac mana allita ruhuaccunataca canllatac rimashpa cazunata yachachingui. Ama pi canta mana alli nishpa rimachun saquinguichu.

HEBREOS 13:22

C'uyashca criccuna, cancuna alli c'atichun nishpa, cai ñuca asha quillcashcataca mana p'iñarishpa chasquichun nishpami mañani.

APOCALIPSIS 3:19

Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.