2 TIMOTEO 4:11 - Nuevo Testamento en Quichua Cañar 1996

¹¹ Lucas runallami ñucahuan caipi saquirca. Chaimanta Marcos runata mashcashpa pushamui. Paica ima ruhuanapipish ñucataca ayudangami.

Dios Rimashcata Quillcashcami

¹¹ Lucasllami ñucahuan can. Chaimanta Marcosta mashcashpa pushamui. Paica ima ruhuanapipish allitac ayudacmi.

2 TIMOTEO 4:11 ပူးပေါင်းရင်းမြစ်များ

SAN MATEO 19:30

Chashna cacpipish cunan punzhapi ‘allimi canchic’ niccunaca, achcacunami yangalla cangacuna. Shinallatac achcacunami cunan punzhapi yangalla nishcacunaca, alli nishca cangacuna.

SAN MATEO 20:16

Chai shinallatacmi cunan punzhapi ‘allimi canchic’ niccunaca, yangalla cangacuna. Yangalla caccunaca, alli nishcami cangacuna— nishpami, Jesusca yachachirca.

SAN LUCAS 13:30

Chaipica cunan ‘allimi canchic’ niccunaca, mana alli nishcami canga. Shinallatac cunan mana alli nishcacunaca, alli nishcami canga— nirca.

HECHOS 12:12

Pedro chashna yuyaita japishca q'uipaca, Marcos nishca Juanpac mama Mariapac huasimanmi rirca. Chai huasipica achca criccunami tandanacushpa, Taita Diosman mañacushca carca.

HECHOS 12:25

Bernabepish, Saulopish paicunaman mingashpa cachashcata cushpaca, Jerusalenmanta Marcos nishca Juantapish pushashpami, cutinllatac Antioquía puebloman cutircacuna.

HECHOS 15:37

Shina nicpi Bernabeca: —Marcos nishca Juanta pushashun— nirca.

HECHOS 15:39

Chashna rimanacushpami, caishuc chaishuc ch'icanyarinacushpa, Bernabeca Marcosta pushashpa barcopi huichicushpa, Chipre llactaman rirca.

HECHOS 16:10

Pablo chashna muscuipi shina ricushcata huillacpica: “Taita Diosmi ñucanchictaca chai llactapi alli huillaita huillachun c'ayashca” nishpami, Macedonia llactaman rina yuyailla carcanchic.

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.

COLOSENSES 4:14

Shinallatac c'uyashca jambic Lucaspish, Demaspish “allilla cashca cachun” nishpami cachancuna.

2 TIMOTEO 1:15

Asia llactamanta caccunaca tucui mashna ñucataca shitashpa rishcataca, canllatac yachanguimi. Paicunapurapica Figelo runapish, Hermógenes runapish carcami.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.

1 PEDRO 5:13

Babilonia pueblopi tandanacushca criccunataca, cancunata shinallatacmi Taita Diosca acllarca. Paicunapish, shinallatac ñuca huahua shina Marcospish “allilla cashca cachun” nishpami cachancuna.