2 TIMOTEO 3:4 - Nuevo Testamento en Quichua Cañar 1996

⁴ Taita Diosta cazunapac randica, imapish quiquin shungupi munashcata ruhuashpa cushicushpami, jatun tucushpa, ima millaitapish ruhuashpa llaquichina yuyailla cangacuna.

Dios Rimashcata Quillcashcami

⁴ mana confiarinacuna, mana pingaccuna, allimi canchic niccuna, Diosta cazunapac randica millaita ruhuashpa cushicuccuna,

2 TIMOTEO 3:4 ပူးပေါင်းရင်းမြစ်များ

HECHOS 19:36

¿Pitac chaitaca mana chashnachu ningayari? Chaimanta casilla caichic. Manapish alli yachashpa, pacta pita imata ruhuanguichicman.

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.

ROMANOS 11:20

Chaica chashnami can. Shina cashpapish chai israelcunaca mana crishcamantami, p'itishca shina tucurcacuna. Ashtahuanpish canca crishcallamantami chai yurapi churashca cangui. Chaimanta ama canllatac “allimi cani” nirichu, ashtahuanpish Taita Diosta manchai.

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

1 TIMOTEO 3:6

Chashna cashcamantaca chai pushacca unai cricmi cana can. Pacta jatun tucushpa diablo urmashca shina llaquichishca cangapac urmanman.

1 TIMOTEO 5:6

Ashtahuanpish quiquin munaillata ruhuashpa causac viuda huarmica, causacushpapish huañushca shinami.

1 TIMOTEO 6:17

Imapish charishcacunaca chingarinallami. Chashna cashcamanta cai pachapi achcata chariccunataca: “Ama jatun tucushpa, charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Taita Diospi shunguta churachun ningui.

SAN JUDAS 1:19

Chaicunaca criccunata ch'icanyachiccunami. Cai pachapaclla ima tiyashcata yuyariccuna cashpami, Diospac Espiritutaca mana charincuna.

SAN JUDAS 1:4

Chaica ñucanchicpurahuanmi, llullashpa yachachishpa maijan llullac huillaccuna tandarishca. Chaicunatami ñaupa punzhacunamanta pacha Diosca jatun llaquiman rina cashcata huillashca. Chaicunaca millai runacunami. “Ñucanchic Taita Dios c'uyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.