2 TIMOTEO 3:14 - Nuevo Testamento en Quichua Cañar 1996

¹⁴ Chashna canapac randica, can imata yachacushcata crishpa alli c'atingui. Canca pi yachachishcataca yachanguimi.

Dios Rimashcata Quillcashcami

¹⁴ Chashna canapac randica, can imata yachacushcata crishpa alli catingui. Canca pi yachachishcataca yachanguimi.

2 TIMOTEO 3:14 ပူးပေါင်းရင်းမြစ်များ

HECHOS 17:31

Taita Diosca pai acllashca punzhapimi, tucui cai pachapi causaccunataca imalla ruhuashca shinallatac taripanga. Chaita ruhuachunca, pai acllashca runatami cachanga. Chashna taripanata gentecuna yachachunmi, paitaca huañushcacunapuramanta causachirca” nirca.

ROMANOS 14:5

Cutin maijan criccunaca: “Shuc punzhami caishuc punzhamanta ashtahuan alli” nincunami. Cutin maijan criccunaca: “Tucui punzhacunami chai shinallatac can” nincunami. Chashna cashcamantaca quiquin ima shina crishca shinami, alli crina canguichic.

COLOSENSES 2:2

Paicuna tucui shunguhuan crishpa, c'uyanacushpa, sinchiyashpa c'atichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

1 TESALONICENSES 1:5

Ñucanchic cancunaman quishpirinamanta alli huillaita huillacushpaca, mana rimaillahuanchu yachachircanchic, ashtahuanpish Diospac Espíritu yachachicpimi, imatapish ruhuaclla Diosmanta allicunata ruhuashpa ricuchircanchic. Ñucanchic cancunaman alli huillaita huillacushcaca chashnatac cashcata alli yachashpa, cancunapac allipac ruhuashcataca yachanguichicmi.

1 TESALONICENSES 2:13

Ñucanchic huillacpi, mana gentecunalla huillashcata yuyashpa, ashtahuanpish quishpirinamanta huillashcaca Diosmanta cashcata yachashpa chasquishcamantami, punzhanta Diostaca pagui nicunchiclla. Chaica Dios rimashca shimi cashpatacmari, cancunata shuctacyachicpi, sumacta causacunguichic.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuacushpaca canpish quishpiringuimi, shinallatac can huillashcata uyaccunapish quishpiringacunami.

2 TIMOTEO 1:13

Canca ñuca ima shina alli yachachishca shinallatac, Jesushuan shuc shinalla cashcamantaca paita crishpa, paita c'uyashpa causachun ninimi.

2 TIMOTEO 2:2

Tauca gentecunapac ñaupapimi ñuca ima yachachishcataca uyarcangui. Chaitaca yachachinata pudic alli criccunaman, paicunapish shuccunaman yachachichun mingai.

2 TIMOTEO 3:15

Shinallatac huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

TITO 1:9

Shinallatac paica Diosmanta ima shina yachachishca shinallatacmi yachachina can. Cashcata nic huillashcata chashna yachachishpami, shuccunamanpish yuyaita cushpa, “mana chashnachu” niccunatapish upallachinga.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

HEBREOS 6:11

Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.