2 TIMOTEO 2:18 - Nuevo Testamento en Quichua Cañar 1996

¹⁸ Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.

Dios Rimashcata Quillcashcami

¹⁸ Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.

2 TIMOTEO 2:18 ပူးပေါင်းရင်းမြစ်များ

SAN MATEO 15:13

Chashna nicpi Jesusca: —Ima yura cashpapish, jahua pacha ñuca Taita mana tarpushca cacca, sapindic aisashpa shitashcami canga.

SAN MATEO 22:29

Chashna nicpi Jesusca: —Cancunaca Dios quillcachishcapi ima nicushcatapish, Taita Dios imatapish ruhuaclla cashcatapish mana yachashpami, yalli pandaricunguichic.

SAN LUCAS 8:13

Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.

HECHOS 5:39

Ashtahuanpish Taita Diosmanta yachachicucpica, cancunaca mashnata jarcashun nicushpapish, mana jarcai pudinguichicchu. Chaimanta alli yuyaringuichic, pacta Taita Diosllatac chashna ruhuachicucpi jarcashun nicunguichicman— nirca.

1 CORINTIOS 11:19

Cancunapurapi alli cric cashca ricurichunca, ch'icanyarinacui tiyanami alli can.

1 CORINTIOS 15:12

Huañushcacunapuramanta Cristo causarishcata ñucanchic huillacushca jahua, ¿ima shinatac cancunapuramanta maijancunaca “huañushcacunaca mana causaringachu” ninguichicyari?

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Taita Diospac alli maqui ladoman tiyacun.

1 TIMOTEO 1:19

Cambac yuyai ama juchanchishca cachunca, alli crishpa c'atingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucushcacuna.

1 TIMOTEO 6:10

Yallimana cullquita charina munaica tucui laya millaicunapimi urmachin. Chashnami maijancunaca cullquita charinata yallita munashpa, crinatapish saquishpa, tauca llaquicunatapish aparcacuna.

1 TIMOTEO 6:21

Chai yachachishcata c'atishpami, maijancunaca crishcata saquishcacuna. Taita Diosca paipac sumaimana c'uyaita canman cushca cachun ninimi.

2 TIMOTEO 2:14

Tandanacushca criccunapurapi “caica chashnami, chaica chashnami” ninacushpa ama p'iñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

TITO 1:11

Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Chaimantami paicunataca upallachina can.

HEBREOS 3:10

Chaimantami chai gentecunahuan ñuca p'iñarishpaca: ‘Paicunapac yuyaipi ñucata mana cazushpami, chingarishca shina cashpa, ñuca ricuchishca ñantaca mana ricsinata munarcacuna’ nircani.

SANTIAGO 5:19

Ñuca c'uyashca criccuna, cancunapuramanta maijanpish cashcata nic huillashcata saquishpa, pandarishpa puricucpi, maijan cunashpa, Diosman tigrachishpaca,

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.