2 TIMOTEO 1:14 - Nuevo Testamento en Quichua Cañar 1996

¹⁴ Ñucanchicpi causacuc Diospac Espíritu ayudacushcamantaca, Dios mingashca sumac yachanacunataca alli huacaichingui ninimi.

Dios Rimashcata Quillcashcami

¹⁴ Ñucanchicpi causacuc Diospac Espíritu ayudacushcamantaca, Dios mingashca sumac yachanacunataca alli huacaichingui ninimi.

2 TIMOTEO 1:14 ပူးပေါင်းရင်းမြစ်များ

SAN LUCAS 16:11

Cancuna cai pachapi charishcacunahuan mana allita ruhuacucpica, Taita Diosca huiñaita causangapac allicunataca cancunamanca mana cungachu.

SAN JUAN 14:17

Paica cashcata nic Diospac Espiritumi. Cai pachapaclla causaccunaca paita mana ricsishcamantapish, mana ricushcamantapish mana chasquinata pudinchu. Shina cacpipish cancunaca cancunapi causacushcamantapish, huiñaita causagricushcamantapish paitaca ña ricsinguichicmi.

ROMANOS 3:2

Tucui chaicunaca imapacpish allimi can. Chaita ricuchingapacmi, puntaca Taita Diosca israelcunaman pai rimashca shimitaca cushca.

ROMANOS 8:11

Jesusta causachic Diospac Espiritullatac cancunapi causacucpica, Diosllatacmi cancunapac huañunalla cuerpotaca cancunapi causac paipac Espiritumanta causachinga.

ROMANOS 8:13

Cai pacha jucha munashca shina causacushpaca, huañunguichicmi. Shina cashpapish Diospac Espíritu yuyaita cushcahuanca, cai pacha jucha munashcataca chingachinguichicmi. Shina chingachishpaca causanguichicmi.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 CORINTIOS 6:19

Cancunapac cuerpoca Dios cushca Espíritu causana huasi cashcatapish, Diospac Espíritu cancunapac shungupi causacushcatapish, ¿manachu yachanguichic? Cancunaca mana quiquinpacllachu canguichic,

1 CORINTIOS 9:17

Ñuca munaillamanta huillashpaca, japina cashcataca japimanmi, ashtahuanpish “huillanami cangui” nishpa, mandashcallamanta ruhuacushpaca, Dios mingashcallatami ruhuacuni.

2 CORINTIOS 5:16

Chashna cashcamantami ñucanchicca pitapish caimanta ñaupaman cai pacha gentecuna yuyashca shinaca, ña mana yuyanchic. Ñaupaman cai pacha gentecuna Cristomanta yuyashca shina yuyac cashpapish, cunanca ña mana chashna yuyanchicchu.

GÁLATAS 2:7

Mushuc yachanacunata cunapac randica, Taita Dios Pedrota israelcunaman huillachun cachashca shina, ñucatapish mana israelcunaman quishpirinamanta alli huillaita huillachun cachashcatami yachac chayarcacuna.

EFESIOS 2:22

Shinallatacmi cancunapish Jesucristohuan shuc shinalla cashpaca, tucuilla tandanacushpa, Diospaclla cac huasi shina tucunguichic. Chashna cacpica Taita Diosmi paipac Espiritumanta chaipi causacun.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu yuyaita cushca shina causanata munaichic.

COLOSENSES 4:11

Shinallatac Justo nishca Jesuspish “allilla cashca cachun” nishpami cachan. Israelcunapuramanta*f** criccunaca paicunallami, Taita Dios mandacucmanta ñucahuan pacta imatapish ruhuashpa, cushichiccunaca can.

1 TESALONICENSES 5:19

Diospac Espíritu imata ruhuachun yuyaita cucpica, ninata huañuchic shina pacta mana ruhuashun ninguichicman.

1 TIMOTEO 1:11

Cashnaca quishpirinamanta sumac alli huillaimi yachachin. Chaita huillachunmi, tucui mashna alli nina Taita Dios ñucaman mingarca.

1 TIMOTEO 6:20

Timoteo, tucui canman mingashcacunataca allita huacaichingui nishpami mandani. “Caicunaca alli yachanami” nishpa, p'iñanacuipi churac yanga yachanacunataca pacta uyanguiman.

2 TIMOTEO 1:12

Chashna huillac cashcamantami tucui cai llaquicunataca apacuni. Shina cacpipish ñuca pita crishcataca yachanimi. Shinallatac ñucaman mingashcataca, shamuc punzhacaman huacaichina cashcatapish allimi yachani. Chashna cashcamanta manatac pinganichu.

2 TIMOTEO 2:2

Tauca gentecunapac ñaupapimi ñuca ima yachachishcataca uyarcangui. Chaitaca yachachinata pudic alli criccunaman, paicunapish shuccunaman yachachichun mingai.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.