2 TESALONICENSES 3:8 - Nuevo Testamento en Quichua Cañar 1996

⁸ Ñucanchicca pipac micunatapish mana yanga micurcanchicchu. Chaipac randica, micunata mañashpa cancunata mana p'iñachingapacmi tutapish, punzhapish mana samarishpa, imatapish ruhuashpa causarcanchic.

Dios Rimashcata Quillcashcami

⁸ Pipac micunatapish mana yanga micurcanchicchu. Chaipac randica, imata mañashpa cancunata mana piñachingapacmi tutapish, punzhapish mana samarishpa, trabajashpa causarcanchic.

2 TESALONICENSES 3:8 ပူးပေါင်းရင်းမြစ်များ

SAN MATEO 6:11

Ñucanchic punzhanta micuna tandata, cunan punzhapish carai.

HECHOS 18:3

Aquila huarmindicca carpata ruhuaccuna cacpimi, Pablopish chaillatatac ruhuac cashcamanta carpata ruhuashpa paicunahuan cangapac saquirirca.

HECHOS 20:34

Chaipac randica ñucamanpish, ñucahuan puriccunamanpish ima illashcata charingapacca, ñuca maquillahuantac ruhuashpami, imallatapish japic carcani. Chaitaca cancunallatac yachanguichicmi.

1 CORINTIOS 4:12

Shinallatac ñucanchic quiquin maquihuan imallata ruhuashpami shaicushcanchic. C'amishpa rimaccunamanca, Taita Dios allicunata cushca cachun ninchicmi. Shuccuna llaquichicpipish, llaquita apanchicllami.

1 CORINTIOS 9:4

Ñucanchic huillacushcamantaca micunatapish, ubianatapish, ¿manachu chasquina canchic?

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana suiñushpa pacarircani. Yarcaihuanpish, yacunaihuanpish carcanimi. Tauca cutinmi mana micurcani. Chirimantapish, churana illashcamantapish llaquita aparcanimi.

2 CORINTIOS 11:9

Ñuca cancunahuan cashpaca, ima illac cashpapish imata mañashpa mana p'iñachircanichu. Chai imalla illashcataca Macedonia llactamanta shamuc criccunami curcacuna. Chashna cashpami, cancunataca imata mañashpa mana p'iñachircani. Chai shinallatacmi mana p'iñachishpa c'atinata munani.

EFESIOS 4:28

Shuhua cashpapish shuhuanata saquishpa, trabajanata callarichic. Shina quiquin maquihuan trabajashpami, imata huacchacunamanca cunata charinguichic.

1 TESALONICENSES 2:9

C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

1 TESALONICENSES 4:11

Ñucanchic cancunaman ña nishca shinallatac, shucpac causaipi mana satirishpa, quiquin maquihuan imatapish ruhuashpa, sumacta causanata yuyaichic.

2 TESALONICENSES 3:12

Chai shina puriccunataca, Apunchic Jesuspac shutipimi causaipac micunata charingapacca cushicushpa trabajachun nishpa mandanchic.