2 TESALONICENSES 3:2 - Nuevo Testamento en Quichua Cañar 1996

² Mana tucuichu criccuna can. Chashna cashcamanta mana allita ruhuac, millai gentecuna ñucanchicta ama llaquichichunpish, Diosman mañaichic.

Dios Rimashcata Quillcashcami

² Mana tucuichu criccuna can. Chashna cashcamanta mana allita ruhuac, millai gentecuna ñucanchicta ama llaquichichunpish, Diosta mañaichic.

2 TESALONICENSES 3:2 ပူးပေါင်းရင်းမြစ်များ

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima punzhacamantac cancunamanca yachachishpa causacushalla? ¿Maicamanchari cancunahuanca llaquita apacushalla? Huambrata caiman apamuichic— nirca.

SAN MATEO 23:23

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca mentatapish, anistapish, cominotapish pasacmanta chungata cuccunami canguichic. Chashna cashpapish Moisés mandashcacunapi ashtahuan ruhuana cashcata yachachishcataca, mana cazunguichicchu. Chaipica cashcata ruhuachun, llaquic cachun, Diosta cric cachun ninmi. Cancunaca cai mandashcacunataca Diosman cunata mana saquishpami, ashtahuan pactachina canguichic.

SAN LUCAS 18:8

Cancunaman huillanimi: Taita Diosca mana unaiyashpami, paicunamanca allita ruhuanga. Ashtahuanpish Runa Tucungapac shamushca*f** ñuca cutimucpica, ¿chashna criccunaca cai pachapica tiyangachu?” nirca.

HECHOS 13:45

Chashna mana israelcunapish achcacuna tandanacushcata israelcuna ricushpami, p'iñarishpa: “Pablo yachachishcaca yangallami” nishpa c'amircacuna.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

HECHOS 17:5

Chashna achcacuna crishcata ricushpami, Jesusta mana cric israelcunaca p'iñarishpa, millai runacunata tandachishpa, chai pueblopi causaccunata caparinacuipi churarcacuna. Chashna ruhuashpaca Pablota, Silasta japishpa, tucui gentecunapac ñaupaman apashun nishpami: “Jasonpac huasipimi canga” nishpa, punguta p'aquircacuna.

HECHOS 25:27

Shuc prezuta imamanta juchanchishcata mana huillashpa cachashpaca, ñucaca imata mana yachashpa tiyacuc shinami cani— nirca.

HECHOS 28:24

Chashna huillacpica, maijancunaca Pablo huillashcata crircacunami. Maijancunaca mana crircacunachu.

ROMANOS 10:16

Shina cacpipish mana tucuichu quishpirinamanta alli huillaitaca cazurcacuna. Chaimantami Isaiasca: “Mandac Dioslla, ¿ñucanchic huillashcataca pitac crishcayari?” nin.

ROMANOS 15:31

Judea llactapi tiyac mana criccuna llaquichinamanta Taita Dios huacaichichun, shinallatac Jerusalenpi causac criccuna ñuca imallata apacushcata alli chasquichunpish, ñucamanta Taita Diosman mañaichic.

1 CORINTIOS 15:32

Ñucaca Efeso pueblopica, p'iña animalcunahuan macanacuc shinami sinchita macanacurcani. Shina macanacushcapish, cai pacha munaicunallamanta macanacushca cacpica, ¿imapactac valinman? Huañushcacuna mana causarina cacpica, maijancuna nishca shinaca: “¡Cunanca micushunchic, ubiashunchic, cayaca ña huañushunmi!” nimanmi.

1 TESALONICENSES 2:18

Taucapura ricuc shamushun nishpapish mana pudishpami, ñucallapish shamusha nishpa yuyacurcani. Tauca cutinmi ricugrinata munarcani. Shina cacpipish Satanasca*f** jarcarcami.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.