2 TESALONICENSES 2:5 - Nuevo Testamento en Quichua Cañar 1996

⁵ Ñuca cancunahuan cashparac cai shina huillashcataca, ¿manachu cancunaca yuyaringuichic?

Dios Rimashcata Quillcashcami

⁵ Ñuca cancunahuan cashparac cai shina huillashcataca, ¿manachu cancunaca yuyaringuichic?

2 TESALONICENSES 2:5 ပူးပေါင်းရင်းမြစ်များ

SAN MATEO 16:9

Cancunaca ñuca pichca tandallamanta pichca huaranga yalli gentecunaman caracpi, ¿mashna taza puchushcataca manachu yuyaringuichic? ¿Chaitaca manaracchu entendinguichic?

MARCOS 8:18

Ñahuita charishpapish, ¿manachu ricunguichic? Rinrita charishpapish, ¿manachu uyanguichic? ¿Manachu yuyaringuichic?

SAN JUAN 16:4

Chai punzhacunapi ñuca ña utcaman nishcata yuyarichunmi, cashnaca nicuni. Ñuca cancunahuan cashcamantami, callaripica caicunataca manarac huillarcani.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

GÁLATAS 5:21

shuccuna ama charichun nishpa munaccunami, machaccunami, micunallatac munaccunami, shinallatac shuctac chashna laya mana allita ruhuaccunami. Cancunataca utcaman nishca shinallatacmi: “Chashna ruhuaccunaca Dios mandacucpica imata mana charingachu” nishpa, cutinllatac nini.

1 TESALONICENSES 2:11

Huahuacunata shuc taita yachachic shinami, ñucanchicpish cancunataca caishucta chaishucta cunashpa cushichircanchic. Chaitaca cancunallatac yachanguichicmi.

1 TESALONICENSES 3:4

Ñucanchic cancunahuan cashpaca: “Cai shina llaquicunataca apanallatacmi canchic” nishpami huillarcanchic. Chai shina llaquicunaca cancunaman huillashca shinallatacmi pactashca. Chaitaca ña yachanguichicmi.

2 TESALONICENSES 2:6

Chai millaita ruhuac runa ricurina punzha manarac chayacpi, pai ricurinata ima jarcacushcataca cancunallatac yachanguichicmi.

2 TESALONICENSES 3:10

Ñucanchic cancunahuan cashpaca: “Maijanpish mana trabajasha nicca ama micuchun” nishpami mandarcanchic.

2 PEDRO 1:15

Chaimanta ñuca huañushca q'uipapish, caicunata cancuna yuyarichunmi, ima shinapish utca huillashpa saquina cani.