2 PEDRO 3:17 - Nuevo Testamento en Quichua Cañar 1996

¹⁷ Chaimanta c'uyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli c'aticushcata saquishpa paicunata mana c'atingapacca, allimi huacaichirina canguichic.

Dios Rimashcata Quillcashcami

¹⁷ Chaimanta cuyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli caticushcata saquishpa paicunata mana catingapacca, allimi huacaichirina canguichic.

2 PEDRO 3:17 ပူးပေါင်းရင်းမြစ်များ

SAN MATEO 16:11

Ñucaca mana tandapi churana levaduramantachu parlacuni, ¿ashtahuanpish chaitaca manachu entendinguichic? Fariseocunapac, saduceocunapac yachachishcaca levadura shina cashcamantami parlacuni. Chaitaca ama chasquinguichicchu— nirca.

SAN MATEO 16:6

Chaipimi Jesusca: —Uyaichic, fariseocunapac,*f** saduceocunapac*f** levadurataca, pacta chasquinguichicman— nirca.

SAN MATEO 7:15

‘Diosmantami huillacunchic’ nishpa, llullashpa huillaccunamantaca huacaichiringuichic. Paicunaca jahuallatacca, ovejacuna shina c'uyaillami. Shina cashpapish ucu shungupica, atuc shina millaicunami cancunapacmanca shamuncuna.

SAN JUAN 16:4

Chai punzhacunapi ñuca ña utcaman nishcata yuyarichunmi, cashnaca nicuni. Ñuca cancunahuan cashcamantami, callaripica caicunataca manarac huillarcani.

HECHOS 2:42

Paicunaca Jesús acllashca huillaccuna yachachicushcataca allimi cazuccuna carca. Caishuc chaishuchuanpish, allimi apanacuccuna carca. Shinallatac Jesús huañushcata yuyarishpa tandata chaupishpa micungapacpish, Taita Diosman mañangapacpish tandanacuccunami carca.

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

1 CORINTIOS 10:12

Shina cashcamanta “allimi cani” niccunaca ama urmangapacca, alli huacaichirichun.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

GÁLATAS 5:4

Maijan cancunapurapi Moisés mandashcacunata pactachishpalla Taita Dioshuan alli tucushun nishpaca, Cristomanta caruyashpami Dios mai c'uyashcamantapish ch'icanyarishcacuna.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata c'atishpa, huaira apashca shinaca ña mana cashun.

FILIPENSES 3:2

“Circuncisionta*f** ruhuanami canguichic” nishpa mana allita yachachic, allcu shina gentecunamantaca huacaichiringuichic.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuchuan shuc shinalla cashcata yachashpami cushicuni.

COLOSENSES 2:8

Chai llullashpa yachachiccuna cancunata yanga paicuna yuyashcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

2 TIMOTEO 4:15

Paica ñucanchic huillashcata mana cazushpami, ñucanchichuanca yallita p'iñarirca. Chaimanta canpish paimanta cuidaringui ninimi.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

1 PEDRO 5:9

Cai pachapica tucui criccunami cancuna shinallatac llaquita apacuncuna. Chaita yachashpami, Jesusta alli crishpa, diablotaca atinata yuyana canguichic.

2 PEDRO 2:7

Shina cashpapish Lotllatami quishpichirca. Lotca millaita ruhuashpa causac gentecunata ricushpaca, llaquirishpami cashcata ruhuashpa causac carca.

2 PEDRO 3:1

C'uyashca criccuna, caihuanca ishcai cutinmi cancunamanca quillcashpa cachani. Ishcai quillcacunapitacmi alli yuyaihuan allita c'atichun nishpa, cunashpa rimani.

APOCALIPSIS 2:5

Chaimanta cancuna maimanta mana allita ruhuanata callarircanguichic, chaita yuyarishpa Diosman llaquirishpa cutirichic. Callaripi ima shina cashca shinallatac caichic. Cancuna llaquirishpa Diosman mana cutiricpica, cancunapacman utca shamushpami, cancunapac candelerota maipi tiyacushcamanta anchuchisha.