2 PEDRO 3:11 - Nuevo Testamento en Quichua Cañar 1996

¹¹ Chai shina Taita Dios tucuita tucuchina cashcamantaca, cancunaca tucui mana allimanta anchurishpami, Diospaclla causana canguichic.

Dios Rimashcata Quillcashcami

¹¹ Chai shina Dios tucuita tucuchina cashcamantaca, cancunaca tucui mana allimanta anchurishpami, Diospaclla causana canguichic.

2 PEDRO 3:11 ပူးပေါင်းရင်းမြစ်များ

SAN MATEO 8:27

Chashna parachicpimi, paicunapura mancharinacushpa: “Cai runaca, ¿ima cacpitac huairapish, yacupish pai nishcataca cazunyari?” ninacurcacuna.

ROMANOS 13:11

Tucui caicunataca cunan punzhapi tucui ima tucushcata ricushpa yuyarinami canguichic. Ñucanchic crishca punzhamanta ricucpica, Dios quishpichina punzhaca ñami shamucun. Chaimanta ama suiñucuichicllachu, ashtahuanpish riccharishca shina caichic.

ROMANOS 13:12

Tutapish ñami pacarimugrin. Chaimanta amsapi ima mana allicunata ruhuanata saquishpa, soldado macanacungapac churarinata churaric shina allita ruhuangapacca, Dios cushcacunata japishpa churarichic.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli c'aticushcatami cancunamantaca uyasha nini.

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

1 TESALONICENSES 1:5

Ñucanchic cancunaman quishpirinamanta alli huillaita huillacushpaca, mana rimaillahuanchu yachachircanchic, ashtahuanpish Diospac Espíritu yachachicpimi, imatapish ruhuaclla Diosmanta allicunata ruhuashpa ricuchircanchic. Ñucanchic cancunaman alli huillaita huillacushcaca chashnatac cashcata alli yachashpa, cancunapac allipac ruhuashcataca yachanguichicmi.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

1 TIMOTEO 6:11

Ashtahuanpish cantaca Diospacta ruhuac cashcamantaca, tucui chai mana allicunamanta anchurichun ninimi. Cantaca cashcata ruhuashpa, Taita Diosllata yuyarishpa, crishca yuyailla c'uyaihuan mana p'iñariclla, shinallatac c'uyac shunguhuan causanata munachunmi nini.

1 TIMOTEO 6:3

Maijanpish ñucanchic Apunchic Jesucristo cashcata nic rimashca shimicunata, shinallatac ñucanchic yachachishcacunata mana allichu nishpa shuctac layaman yachachicca,

1 TIMOTEO 6:6

Chayucyanamanta nishpaca, maijanpish ima charishcallahuan cushi causashpaca, pai crishcamantaca yallita charishca shinami can.

HEBREOS 13:5

Taita Diosca: “Jaicapi mana saquishachu, manatac cungarishachu” nishcami. Chaimanta cancunaca charishcallahuan cushi caichic. Ama yallimana cullquita charina yuyailla caichicchu.

SANTIAGO 1:24

Espejopi pai ricurishpapish, ña shuc ladoman tigrarishpaca, pai ima shina cashcataca cungarinmi.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana p'iñaric alli shungu tucushpa, yachac cashcataca ricuchichun.

1 PEDRO 1:15

Ashtahuanpish cancunata acllac Diosca ima jucha illacmi. Shina cashcamanta cancunapish tucui causaipi ima jucha illac causanata munaichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.

2 PEDRO 1:3

Taita Diosca Jesucristota ricsichishpami, pai imatapish ruhuaclla cashcahuan ñucanchic paita allita yuyariccuna cachun, tucui ima illashcatapish ñucanchicmanca cushca. Cristoca pai cashcata ruhuac cashcata, sumaimana cashcata ricuchingapacmi c'ayarca.

2 PEDRO 1:6

Ña allita entendishpaca, quiquinllatac jarcarinami canguichic. Quiquinllatac jarcaric cashpaca, mana shaicushpa c'aticcunami cana canguichic. Mana shaicushpa c'aticcuna cashpaca, Diosta alli yuyariccunami cana canguichic.

2 PEDRO 3:10

Shina cashpapish Apunchic Jesús cutimuna punzhaca shuc shuhua shamuc shinami canga. Shina cashcamanta jahua pachaca jatun manchanayaipac tulun nishca uyaricpimi tucuringa. Chaipi ima tiyaccunaca ninahuanmi tucuchishca canga. Shinallatac cai pacha allpataca, caipi tiyaccunandicmi Taita Dios taripashpaca llaquichinga.

2 PEDRO 3:12

Taita Dios taripana punzha utca shamuchunca, ima shinapish Diospaclla causanata munashpa shuyacuichic. Chai punzhapica, jahua pachataca ninahuanmi tucuchinga. Shinallatac caipi tiyaccunataca ninallatacmi tucui yacuyachinga.