2 PEDRO 3:1 - Nuevo Testamento en Quichua Cañar 1996

¹ C'uyashca criccuna, caihuanca ishcai cutinmi cancunamanca quillcashpa cachani. Ishcai quillcacunapitacmi alli yuyaihuan allita c'atichun nishpa, cunashpa rimani.

Dios Rimashcata Quillcashcami

¹ Cuyashca criccuna, caihuanca ishcai cutinmi quillcashpa cachani. Ishcai quillcacunapitacmi alli yuyaihuan allita catichun nishpa, cunashpa rimani.

2 PEDRO 3:1 ပူးပေါင်းရင်းမြစ်များ

SAN MATEO 5:8

Taita Dios yuyailla causanata munashpa, chuya shungu canata munaccuna, ¡cushicuichic! Cancunami Taita Diostaca ricunguichic.

2 CORINTIOS 13:2

Utcaman juchata ruhuaccunatapish shinallatac caishuc mana cazuccunatapish, ima shinami q'uipata sarun rishpa ñuca quiquin nircani, chai shinallatacmi cunan carupi cashpapish nini: Cutin ricungapac rishpaca, mana llaquishpami cancunataca llaquichisha.

1 TIMOTEO 5:22

Maijanpish Taita Diospacta ruhuachun uma jahuapi churashpa Taita Diosman mañangapacpish, puntaca alli yuyarinami cangui. Pacta juchayuccunaman tucushpa, mana allita ruhuanguiman. Tucui imapish mana allimantaca huacaichiringui.

2 TIMOTEO 1:6

Shina cashcamanta cambac uma jahuapi ñuca maquita churacpi, Taita Dios ima ruhuana cashcata cushcataca, nina huañugricucta causachic shina cutin causachichunmi nini.

HEBREOS 6:9

C'uyashca criccuna, cashna rimashpapish cancuna imatapish allita ruhuashpa, quishpirinaman pushac alli ñanta c'aticushcatami yachanchic.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 PEDRO 2:11

C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

2 PEDRO 3:14

Chaimanta c'uyashca criccuna, caicunata shuyacushcamantaca, Taita Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

2 PEDRO 3:17

Chaimanta c'uyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli c'aticushcata saquishpa paicunata mana c'atingapacca, allimi huacaichirina canguichic.

2 PEDRO 3:8

C'uyashca criccuna, caitapish yuyarichic: Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.

SAN JUDAS 1:5

Cancuna ña yachashca cacpipish, Taita Diosca israelcunata*f** Egipto llactamanta llucchishca q'uipa, paicunapurapi mana criccunata chingachishcatami yuyachisha nini.