2 PEDRO 2:4 - Nuevo Testamento en Quichua Cañar 1996

⁴ Diosca paipac angelcuna cacpipish juchallicpica, mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

Dios Rimashcata Quillcashcami

⁴ Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

2 PEDRO 2:4 ပူးပေါင်းရင်းမြစ်များ

SAN MATEO 25:41

Chai q'uipami ñucaca lluqui ladoman caccunataca: ‘Caimanta anchurichic, Taita Dios mana allichu canguichic nishcacuna. Diabloman, shinallatac paipacta ruhuac angelcunaman allichishca, mana huañuc ninamanmi shitashca cana canguichic.

SAN MATEO 8:29

Ña Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichic shamungui?— nishpa caparircacuna.

MARCOS 5:7

Chashna cungurishpaca: —Jahua pachapi tiyac Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nishpa, sinchita caparirca.

SAN LUCAS 10:18

Chashna nicpi Jesusca: —Ari, Satanastaca*f** relampa shina jahuamanta urmacta ricurcanimi.

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarcacuna.

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

ROMANOS 11:21

Taita Diosca chai yurapi huiñashca ramacunatapish p'itishpaca, cantacarin llutachishcalla rama cacpica, ¿ima nishpatac mana p'itingayari?

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

2 PEDRO 2:11

Ashtahuanpish angelcunaca paicunata atishpa mandaccuna cashpapish, imatapish ruhuacllacuna cashpapish, Diospac ñaupapica jahua pachamanta mandaccunataca mana juchanchishpa c'amincunachu.

2 PEDRO 2:5

Ñaupa punzhacunapi causaccunatapish shina juchallicpica, Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandic quishpichirca.

2 PEDRO 2:9

Chashnami Mandac Diosca paipaclla causaccunataca imapish llaquicunamanta quishpichin. Shinallatac millai gentecunataca pai taripashpa, llaquichina punzhacamanmi llaquichishpa charicun.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami. Paicunaca lucerocuna ñanta chingachishca shinami, tucuimanta yalli amsa pachapi huiñaicaman llaquita apangacuna.

SAN JUDAS 1:6

Shinallatac angelcunatapish, paicuna mandacushca jahua shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaipica llullashpa huillactapish, manchana animaltapish shitashcami carca. Chaipica tutapish, punzhapish huiñaitami llaquichishca canga.