2 PEDRO 2:21 - Nuevo Testamento en Quichua Cañar 1996

²¹ Taita Dios cushca alli huillaita uyashca jahua cutinllatac saquinapac randica, Dios munashca shina causanata mana ricsishca cashpachari, ashtahuan alli canman carca.

Dios Rimashcata Quillcashcami

²¹ Dios cushca alli huillaita uyashca jahua cutinllatac saquinapac randica, Dios munashca shina causanata mana ricsishca cashpachari, ashtahuan alli canman carca.

2 PEDRO 2:21 ပူးပေါင်းရင်းမြစ်များ

SAN MATEO 21:32

Bautizac Juanca Dios munashca shina alli causanata yachachingapacmi shamurca. Shina cacpipish cancunaca mana crircanguichicchu, ashtahuanpish impuestota japiccuna, shinallatac huaclli huarmicunaracmi crircacuna. Cancunaca chaita ricushpapish mana crishcamantami, juchayuc cashcamanta llaquirishpa Taita Diosman mana cutirircanguichic— nirca.

SAN LUCAS 12:47

Shinallatac maijan servicpish amo mandashcata uyashca jahua imata mana cazushpa mana ruhuashcamantaca, yallitami macashpa, llaquichishca canga.

SAN JUAN 15:22

Ñuca caicunata mana imata rimangapac shamushca cacpica, paicunaca mana juchanchishcachu canman carcacuna. Ashtahuanpish ‘cunanca mana juchayucchu cani’ ninataca mana pudincunachu.

SAN JUAN 9:41

Shina nicpi Jesusca: —Cancuna ñahui mana ricuccuna cashpaca, manachari juchayuccuna canguichicman. Ashtahuanpish ‘ñahuihuan ricushpami causacunchic’ nishcamantacarin, juchayuccunami canguichic— nirca.

ROMANOS 7:12

Mandashcacunaca Taita Dios cushcami. Mandashcacunapi ima nicushcapish Diosmanta shamushca cashpami, cashcata ruhuangapacpish, tucui imapacpish alli can.

GÁLATAS 6:2

Caishuc chaishuc llaquicunata apanata ayudanacushpami, Cristo mandashcataca pactachinguichic.

1 TESALONICENSES 4:2

Apunchic Jesús mandashcamanta ñucanchic cancunaman imalla ruhuachun yachachishcataca, cancunallatac ña yachanguichicmi.

1 TIMOTEO 6:14

Cantaca ñucanchic Apunchic Jesucristo cutimungacaman, cai tucui ñuca nishcacunata pactachishpa, allita cazushpa ruhuachunmi mandani. Chashna ruhuacpica, pipish mana juchanchingachu.

HEBREOS 10:26

Cashcata nic huillashcata yachashca jahua quiquin munaimanta juchata ruhuashpa c'aticucpica, chai juchamanta huañushpa quishpichicca mana tiyanchu.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

SAN JUDAS 1:3

C'uyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita c'atina cacpimi, cai quillcata cachani.