2 CORINTIOS 9:15 - Nuevo Testamento en Quichua Cañar 1996

¹⁵ ¡Ima shina mana pagui nipac allicunata Dios cushcamanta, paitaca pagui nicushunchiclla!

Dios Rimashcata Quillcashcami

¹⁵ ¡Ima shina mana pagui nipac allicunata Dios cushcamantami, paitaca pagui nicunchiclla!

2 CORINTIOS 9:15 ပူးပေါင်းရင်းမြစ်များ

SAN LUCAS 2:14

“Jahua pachapi cac Taita Dioslla, ¡cantaca tucui alli nichun! Cai pachapipish can c'uyashca causaccunaca, ¡sumac causaita charichun!” nircacuna.

SAN LUCAS 2:38

Simeón chashna nicucpi, ñapish Ana shamushpa huahuata ricushpaca, Taita Diosta pagui nishpami mañarca. Shinallatac tucui Jerusalenpi causaccuna Quishpichicta shuyaccunaman, huahua Jesusmanta parlai callarirca.

SAN JUAN 1:16

Paipac sumac charishcacunamantami tucui ñucanchicca c'atinta c'atinta allicunata chasquicunchic.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

ROMANOS 5:15

Adán juchallishcapish Taita Dios c'uyashpa quishpichisha nicpica, imapish mana canchu. Adán juchallishcallamantami tucui gentecuna huañuna carca. Shina cacpipish Taita Dios c'uyashcallamanta Jesucristota cachashpa, paillamanta quishpichisha nishcami, tucuimanta yalli ashtahuan alli can.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

1 CORINTIOS 15:57

Ashtahuanpish ñucanchic Apunchic Jesucristomanta Taita Dios mishana cashcata ñucanchicman cushcamantaca, pagui nicunallami canchic.

2 CORINTIOS 2:14

Cristohuan ñucanchic mishaccuna cashcata ricuchingapacmi, Taita Diosca tucuipac ñaupapi millaita mishashpa pushacun. Shinallatac mai llactapipish mishquilla ashnacuc shina Cristopac alli huillai ñucanchicmanta huillarichunmi, tucuipi pushacun. Chashna cashcamantami Taita Diostaca pagui nicunalla canchic.

2 CORINTIOS 9:11

Chashna Taita Dios cucpimi, cancunaca tucui laya allicunata chasquishpa, mana misarishpa, tucui shunguhuan cungapac charinguichic. Cancuna ayudashpa imallata tandachishpa cachacpica, chaita chasquic criccunaca ñucanchic chashna ruhuashcamantami Taita Diostaca pagui ningacuna.

2 CORINTIOS 9:14

Taita Dios mai c'uyac cashcata cancuna ricuchishcamantami, tucui c'uyaihuan cancunamantaca Taita Diosman mañangacuna.

EFESIOS 5:20

Ñucanchic Apunchic Jesuspac shutipi punzhanta imamantapish Taita Diostaca pagui nicuichiclla.

SANTIAGO 1:17

Jahua pachapi imalla tiyashcatapish ruhuac Diosmantami, ima allita ruhuana yuyaipish, cashcata ruhuana yuyaipish shamun. Diosca huiñai huiñaicamanmi Paillatac can. Paica mana shuctacyashpa, huiñaitami achicyachicungalla.

APOCALIPSIS 4:9

Huiñai huiñaita causacuc, chai mandashpa tiyarinapi tiyacuctaca chai animalman ricchacunaca: —¡Canca sumacmi cangui, allimari cangui!— nishpami, pagui nicurcalla.