2 CORINTIOS 9:11 - Nuevo Testamento en Quichua Cañar 1996

¹¹ Chashna Taita Dios cucpimi, cancunaca tucui laya allicunata chasquishpa, mana misarishpa, tucui shunguhuan cungapac charinguichic. Cancuna ayudashpa imallata tandachishpa cachacpica, chaita chasquic criccunaca ñucanchic chashna ruhuashcamantami Taita Diostaca pagui ningacuna.

Dios Rimashcata Quillcashcami

¹¹ Chashna cacpimi, cancunaca tucuilayata chasquishpa, mana misarishpa, quiquin munaimanta cungapac charinguichic. Cancuna ayudashpa tandachishpa cachacpica, chaita chasquiccunaca ñucanchic chashna ruhuashcamantami Diostaca pagui ningacuna.

2 CORINTIOS 9:11 ပူးပေါင်းရင်းမြစ်များ

SAN MATEO 20:15

Ñuca cullquihuanca, imata ruhuasha nishpapish ruhuashallami. Chashna alli cashpa tucuiman cucpica, ¿ama cuchun nishpachu p'iñaringui?’ nirca.

SAN MATEO 25:17

Chai ishcai talento cullquita japic runapish, chai shinallatacmi mirachirca.

ROMANOS 12:8

Shuccunata cunac canata cushca cacpica, alli cunacmi cana can. Shuccunaman imatapish cuc canata cushca cacpica, tucui shunguhuan cucmi cana can. Mandac canata cushca cacpica, alli mandacmi cana can. Imapipish ayudac canata cushca cacpica, cushicushpami ayudana can.

1 CORINTIOS 1:5

Paimantami Taita Diosca cancunataca yachaipipish, rimaipipish chayuccuna shinata ruhuashca.

2 CORINTIOS 1:11

Cancuna Taita Diosman mañashpa ayudacpimi, ñucanchictaca huacaichishpa c'atinga. Achcacuna ñucanchicmanta mañacpica, achcacunami Taita Dios allicunata ñucanchicman cushcamantaca paita alli ningacuna.

2 CORINTIOS 4:15

Ñucanchicca cai llaquicunata apacushpaca, cancunata c'uyashpa llaquita apacushcatami yachanchic. Shina cacpimi Taita Dios mai c'uyac cashcata yachashpaca, pagui nishpa achcacuna Diostaca “allimari cangui” ningacuna.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Taita Dios cushcamantami, paitaca pagui nicunilla.

2 CORINTIOS 8:19

Alli nishcallapish paica mana canchu, ashtahuanpish paica ñucanchichuan pacta cullquita tandachishpa richun, tandanacushca criccuna acllashcapish canmi. Cai shina tandashpa apashpaca, Apunchic Jesús alli nishca cachun, shinallatac ñucanchic criccuna cuna munaita ricuchingapacmi, chashnaca ruhuacuncuna.

2 CORINTIOS 9:12

Cancuna ayudashpa cushpaca, mana paicunapac ima illashcatachu cunguichic, ashtahuanpish paicunamanca Taita Diosta pagui nina yuyaitapish cunguichicmi.