2 CORINTIOS 8:3 - Nuevo Testamento en Quichua Cañar 1996

³ Paicuna charishca shina tucui shunguhuan cushcatapish, chaimanta yalli yallita cushcatapish, ñucallatac ricushcamantami huillacuni. Paicunaca quiquin munaimantami,

Dios Rimashcata Quillcashcami

³ Paicuna charishca shina tucui shunguhuan cushcatapish, chaimanta yalli yallita cushcatapish, ñucallatac ricushcamantami huillani.

2 CORINTIOS 8:3 ပူးပေါင်းရင်းမြစ်များ

MARCOS 14:8

Cai huarmica pai charicushcahuanca, pai ruhuai pudishcatami ruhuashca. Ñuca huañucpi enterrangapacmi, ñucapica ña utca cai mishquilla ashnacuctaca churashca.

HECHOS 11:29

Chashna huillacpimi, Antioquía pueblopi causac criccunaca paicuna imallata cui pudishcataca, Judea llactapi causac criccunaman cuchun cachanata yuyarircacuna.

ROMANOS 10:2

Paicunaca Taita Diospacta pactachina munaita yallita charishcataca yachanimi. Shina cashpapish ima shina pactachinataca mana yachancunachu.

1 CORINTIOS 16:2

Cancunaca mashnata japishcamantaca, tucuillatacmi ashallatapish ch'icanyachishpa, semana callari domingo punzhaca tandana canguichic. Ñuca chayacpi ama tandana tucuchunmi, chashna ruhuachun nini.

1 CORINTIOS 9:17

Ñuca munaillamanta huillashpaca, japina cashcataca japimanmi, ashtahuanpish “huillanami cangui” nishpa, mandashcallamanta ruhuacushpaca, Dios mingashcallatami ruhuacuni.

GÁLATAS 4:15

¿Utcaman cushi cashcataca ñachu cungarircanguichic? Utcamanca ima shina ñahuita llucchishpa ñucaman cunalla cacpica, llucchishpa cunguichicmanmi carcanguichic. Cancuna chashna cashcataca ñucallatacmi alli yachani.

FILIPENSES 2:13

Taita Diosllatacmi imapish paiman allita ruhuana yuyaitapish, allita munana yuyaitapish cancunaman cun.

COLOSENSES 4:13

Cancunamantapish, Laodicea pueblopi causaccunamantapish, Hierápolis pueblopi causaccunamantapish Epafras yuyaricushcataca ñucallatacmi yachani.

1 TESALONICENSES 2:8

Cancunata mai c'uyashpami, quishpirinamanta alli huillaita huillashpallapish mana saquishun nircanchic, ashtahuanpish quiquin causaitapish cunatami munarcanchic. Cancunataca maimi c'uyanchic.

FILEMÓN 1:14

Chashna cashpapish can ima nishcata manarac yachashpaca, ñuca quiquin munaimantaca imata mana ruhuasha ninichu. Can ima allita ñucaman ruhuasha nishpaca, ama ñuca nishcallamanta ruhuangui, ashtahuanpish can munashca shina ruhuanguilla.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

1 PEDRO 5:2

Dios cancunaman mingashca criccunataca ovejacunata michic shina, tucui shunguhuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana q'uillanachishpa ricuraichic.