2 CORINTIOS 7:7 - Nuevo Testamento en Quichua Cañar 1996

⁷ Mana Tito shamushcallamantachu cushicurcanchic, ashtahuanpish Tito cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunaihuan cashcatapish, ñucata llaquichishcata yuyarishpa llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

Dios Rimashcata Quillcashcami

⁷ Mana Tito shamushcallamantachu ashtahuanpish Pai cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunayaihuan cashcatapish, ñucata llaquichishcamanta llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

2 CORINTIOS 7:7 ပူးပေါင်းရင်းမြစ်များ

SAN MATEO 26:75

Chaipimi Pedroca: “Manarac gallo cantacpimi, quimsa cutin ñucataca mana ricsinichu ningui” nishpa Jesús huillashcataca yuyarirca. Chaimantami Pedroca canzhaman llucshishpa, munai llaquirishpa huacarca.

SAN MATEO 5:4

Llaquilla cashcamanta huacacuccuna, ¡cushicuichic! Taita Diosmi cancunataca cushichinga.

SAN LUCAS 22:44

Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

HECHOS 11:23

Bernabé chaiman chayashpaca, Taita Diosca mai c'uyashpa, quishpichishcata ricushpaca cushicurcami. Paica tucui criccunatami: “Apunchic Jesusllata tucui shunguhuan alli cazunguichic” nishpa cunarca.

ROMANOS 1:12

Cancunapish, ñucapish chaillatatac cric cashcamanta caishuc chaishuc yuyachinacushpa alli c'atingapacmi, chashna shamusha nicuni.

1 CORINTIOS 5:2

¿Cancunaca chai shina cashca jahuachu jatun tucunguichic? ¡Chaipac randica, tucui shungumantamari llaquirina canguichic! Pipish chai shina huacllirictaca, cancunapuramanta llucchishpami cachana canguichic.

2 CORINTIOS 1:4

Taita Diosca ñucanchicta ima shinami llaquihuan cacpi cushichin, chai shinallatac shuccuna ima llaquihuan cacpi cushichichunmi, ñucanchictapish cushichin.

2 CORINTIOS 2:9

Ñaupamanmi cai jahuaca ña quillcarcani. Chai shina quillcashpaca, ñuca ima nishcata cancuna pactachic cashcata, mana pactachic cashcata ricungapacmi, chashnaca quillcarcani.

2 CORINTIOS 5:2

Chashna cashcamantami cai pachapi tiyac huasi shina cuerpohuan cashpaca, ña churanata mudaric shina, jahua pacha huasi shina cuerpohuan causacunchicmanlla nishpa yuyanchic.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, ñucanchictaca yallita cushichirca.

2 CORINTIOS 7:8

Ñuca cachashca quillca cancunata ashacamanlla llaquichishcata yachac chayashpaca, utcamanca llaquirircanimi. Shina cacpipish cunanca chai quillcata cachashcamantaca mana llaquirinichu.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Taita Dios cushcamantami, paitaca pagui nicunilla.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca q'uipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuchuan shuc shinalla cashcata yachashpami cushicuni.

1 TESALONICENSES 3:6

Shina cacpipish cunanca Timoteo Tesalonicamanta cutimushpami, cancuna allita crishpa, c'uyanacushpa causacushcata huillashpa cushichirca. Ima shinami ñucanchic cancunata ricuna yuyailla canchic, chai shinallatacmi “paicunapish ñucanchicta mana cungarishpa, punzhanta c'uyaihuan ricuna yuyailla cancuna” nishpami, cancunamantaca huillarca.

1 TESALONICENSES 3:8

Cancuna Apunchic Jesusta alli c'aticushcata yachashpaca, cutin causaric shinami cushicunchic.

HEBREOS 2:1

Chai shina cashcamantami alli ñanta chingachic shina mana pandaringapacca, ñucanchicca alli huillaita uyashcataca ashtahuan alli crishpa, chai yuyailla cana canchic.

SANTIAGO 5:17

Diosmanta ñaupa huillac Eliasca ñucanchic shinallatacmi carca. Pai ama tamiachun nishpa, Diosman mañaracpica, quimsa huata chaupitami mana tamiarca.

2 JUAN 1:4

Taita Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yalli cushicuni.

SAN JUDAS 1:3

C'uyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita c'atina cacpimi, cai quillcata cachani.