2 CORINTIOS 7:14 - Nuevo Testamento en Quichua Cañar 1996

¹⁴ Cancunamantaca “allicunami” nishpami utcaman Titomanca ña parlarcani. Chaica chashnatacmi cashca. Ñucanchicca ima shinami cancunaman cashcatatac parlarcanchic, chashnallatacmi “allicunami” nishpa, Titoman parlashcaca chai shinatac pactashca.

Dios Rimashcata Quillcashcami

¹⁴ Cancunamantaca ñami utcaman Titomanca allicunami nishpa parlarcani. Ñucanchicca ima shinami cancunaman cashcatatac parlarcanchic, chashnallatacmi, Titoman parlashcapish carca.

2 CORINTIOS 7:14 ပူးပေါင်းရင်းမြစ်များ

SAN JUAN 17:19

Paicunapish cashcata nic cambac rimashca shimihuan cambaclla tucuchunmi, ñucapish paicunapac allipac cambaclla tucuni.

2 CORINTIOS 10:8

Apunchic Jesús mandashcamanta, ñuca cancunata imatapish ruhuachun nishpa ashata jatun tucushpa mandashpapish, mana pinganichu. Apunchic Jesusca ñucataca mana cancunata chingachichunchu mandarca, ashtahuanpish alli cricta ruhuashpa, sinchiyachichunmi mandarca.

2 CORINTIOS 12:6

Ñuca jatun tucusha nishpaca, “chai muscuipi shina ricucca ñucami cani” nishpa, jatun tucuimanllami. Chashna jatun tucushpaca, ñuca ima shina cashcatami nicuiman, shinallatac mana yuyai illac caimanchu. Ashtahuanpish ñuca ima shina cashcamanta, ñuca rimashcamanta yalli cashcata ama yuyachunmi, mana jatun tucusha nini.

2 CORINTIOS 2:13

Shina cacpipish Jesusmanta ñuca huauqui Tito mana tupashcamantaca, mai llaquillami carcani. Chaimantami paicunataca “caya minchacaman” nishpa, Macedonia llactaman rircanilla.

2 CORINTIOS 7:13

Tucui caicunaca ñucanchictaca cushichishcami. Shina cacpipish Tito cushicuita japishcata ricushpami, ashtahuan cushicunchic. Tucui cancunami ashtahuan c'atina yuyaita cushpa cushichishcanguichic.

2 CORINTIOS 7:4

Ñucaca cancuna ima shina cashcata ricushpa cushicushpami, cai tucui llaquicunahuan cashpapish, ashtahuan c'atina yuyaita japishpa, yallita cushicuni.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, ñucanchictaca yallita cushichirca.

2 CORINTIOS 8:24

Caipi chaipi cac tandanacushca criccuna cancuna c'uyac cashcata yachachunca, cai huauquicunata allita chasquichic. Chai shina cancuna allita chasquicpimi, ñucanchic cancunata “allicunami” nishcaca mana yanga canga.

FILIPENSES 1:26

Chashna causacushparac cancunapacman cutimucpimi, Jesucristohuan shuc shinalla tucushcacunaca ñucamanta ashtahuan cushicunguichic.

2 TESALONICENSES 1:4

Cancunata llaquichicucpipish, p'iñacucpipish alli crishpa, sinchita c'aticushcataca, tandanacushca criccunamanca cushicushpami parlanchic.