2 CORINTIOS 7:11 - Nuevo Testamento en Quichua Cañar 1996

¹¹ Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

Dios Rimashcata Quillcashcami

¹¹ Cancuna Dios munashca shina llaquirishcamantami, ima tucushcata yuyarishpa ima shina cashcata entendishpa, allichirishpa, yuyaita japircanguichic. Piñarishpapish, manchana yuyaitami japircanguichic. Ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

2 CORINTIOS 7:11 ပူးပေါင်းရင်းမြစ်များ

MARCOS 3:5

Shina upalla saquiricpimi, paicunata muyundicta p'iñaihuan ricushpa, paicuna sinchi shungu cashcamanta Jesusca munai llaquirirca. Shina llaquirishpami, chai maqui chaquishca runataca: —Maquita chutai— nirca. Shina chutacpica, chai runapac maquica alli tucurcallami.

SAN JUAN 2:17

Chaita ruhuacta ricushpami, Jesuspac yachacuccunaca “cambac huasimantaca punzhantami llaquicuni” nishpa, Dios quillcachishcapi David nishcata yuyarircacuna.

HECHOS 17:16

Pabloca Atenas pueblopi Silasta, Timoteota shuyacushpaca, achca ruhuashcalla dioscunata chai pueblopi ricushpami, paipac shungupi munai llaquirishpa p'iñarirca.

ROMANOS 11:20

Chaica chashnami can. Shina cashpapish chai israelcunaca mana crishcamantami, p'itishca shina tucurcacuna. Ashtahuanpish canca crishcallamantami chai yurapi churashca cangui. Chaimanta ama canllatac “allimi cani” nirichu, ashtahuanpish Taita Diosta manchai.

ROMANOS 14:18

Chai shina ruhuashpa, Cristopacta ruhuacmi Taita Diostapish cushichin, shinallatac runacunapacpish alli nishca can.

ROMANOS 3:5

Cunanca gentecuna yuyashca shinami ñuca yuyaillamanta rimagrini: Ñucanchic mana allita ruhuashcacunallatac Taita Diosca cashcata ruhuac cashcata ricuchicpica, ¿imatatac nishun? ¿“Taita Dios llaquichicpica, millaimantami llaquichin” nishunchu?

1 CORINTIOS 12:25

Cuerpopi tiyac partecuna ama ch'icanyarinacushpa, caishuc chaishuc ayudanacuchunmi, chashnaca ruhuashca.

1 CORINTIOS 5:2

¿Cancunaca chai shina cashca jahuachu jatun tucunguichic? ¡Chaipac randica, tucui shungumantamari llaquirina canguichic! Pipish chai shina huacllirictaca, cancunapuramanta llucchishpami cachana canguichic.

2 CORINTIOS 13:7

Cancuna imapish mana allita ama ruhuachunmi, Taita Diosman mañanchic. Chashnaca mana ñucanchic allipi ricuringaraicuchu mañacunchic, ashtahuanpish ñucanchicta pandarishcami nishpa juchanchicucpish, cancuna allicunata ruhuachunmi mañanchic.

2 CORINTIOS 2:6

Chai llaquichic runataca cancunapuramantaca taucacunami ña llaquichishcanguichic. Chaimanta ña chailla allimi.

2 CORINTIOS 6:4

Chaipac randica tucui imata ruhuashpapish, Diospacta ruhuaccuna cashcatami ricuchicunchic. Chashnami llaquichicpipish, ima llaquihuan cashpapish, ima illaclla cashpapish, mana p'iñarishpa alli shunguhuan canchic.

2 CORINTIOS 7:1

Caicunami Dios ñucanchicman allicunata cushami nishcacunaca. Shina cashcamanta c'uyashca criccuna, cuerpotapish, almatapish tucui imapish mapayachinamantaca huacaichirishpa, chuya cashunchic. Shinallatac Taita Diosta manchashpa, paipaclla tucushpa causanata yuyailla cashunchic.

2 CORINTIOS 7:7

Mana Tito shamushcallamantachu cushicurcanchic, ashtahuanpish Tito cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunaihuan cashcatapish, ñucata llaquichishcata yuyarishpa llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

2 CORINTIOS 7:9

Mana chai quillcashca cancunata llaquichishcamantachu cunanca cushicuni, ashtahuanpish cancuna chai quillcata ricushpa llaquirishpa, Diosman cutirishcamantami cushicuni. Cancunaca Taita Dios munashca shinami, chashnaca llaquirircanguichic. Shina cacpica, ñucanchicca ima mana allitaca mana ruhuarcanchicchu.

2 CORINTIOS 9:2

Cancuna cushicushpa, tucui shunguhuan cuna cashcata yachashpami, chashnaca nini. Yalli huatamanta pachami, cancuna Acaya llacta criccuna tucui shunguhuan ayudanata munashcataca, Macedonia llacta criccunamanca cushicushpa huillacunilla. Cancuna chashna c'uyaihuan ayudac cashcata yachashpaca, Macedoniapi causac achca criccunapish cushicushpami, ayudanata munancuna.

EFESIOS 4:26

Imamanta p'iñarishpapish, ama juchallichicchu. P'iñarishpapish, ama tucui punzha p'iñashcalla caichicchu.

EFESIOS 5:11

Amsapi causac, yangalla mana allita ruhuaccuna shina ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

FILIPENSES 2:12

Chaimanta ñuca c'uyashca criccuna, ima shinami ñuca cancunahuan cacpi alli cazuc carcanguichic, cunan ñuca mana cancunahuan cacpicarin, ashtahuan alli cazuccuna caichic. Cancuna ña quishpirishca cashcamantaca manchaihuan, chucchuihuan Taita Diospac ñaupapi allita ruhuana yuyailla caichic.

1 TESALONICENSES 4:6

Chaimanta pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucui mashnatami Apunchic Jesusca yallita llaquichinga.

1 TIMOTEO 5:20

Shina cacpipish juchata ruhuashpa c'aticpica, tucui tandanacushca criccunapac ñaupapimi rimana cangui. Chashna ruhuacpimi, tucui mashna manchangacuna.

2 TIMOTEO 2:15

Diospac ñaupapi alli ricuringapacca, shuc alli servic runa shina imatapish allita ruhuana yuyailla caiyari. Chashna allita ruhuashpami imamanta mana pingaichishca cangui, shinallatac alli huillaitaca allita yachachingui.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

HEBREOS 4:1

Chashna cashcamanta chai samarinapi Dios ñucanchicta yaicuchisha nicucpirac, allita yuyarichic. Cancunapuramanta shucllapish pacta yaicunata mana charic shina saquiringuichicman.

SANTIAGO 3:17

Ashtahuanpish Dios cushca yuyaita chariccunaca, puntaca chuya shungu causanatami munancuna, shinallatac sumactami causancuna. Paicunaca alli shungucunami, imamantapish mana p'iñariccunachu, llaquiccunami, pimanpish mana tucuccunachu, imatapish mana huashalla rimaccunachu.

1 PEDRO 1:17

Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

1 PEDRO 2:2

Dios rimashca shimita yachashpa, huiñashpa quishpiringapacca, cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic.

SAN JUDAS 1:23

Ninapi huiñaita rupangapac ricuccunataca, ninamanta aisac shina quishpichichic. Shuccuna mana allita ruhuacpipish, paicuna shina mana allita ruhuanamanta cuidarishpa ayudanami canguichic. Shina cacpipish paicuna mana allita ruhuashcamanta churanacunacaman mapayashcataca millanami canguichic.

APOCALIPSIS 3:19

Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.